Fropper.com - no one's a stranger
Already a member? Login here  | Tour | Help  
in


muze chhodkar



Mar 20, '10



DAWAI LENE ME RAKHE SAVDHANI



AJEE SUNTE HO, AAJ MUZE SAR DARD HO RAHA HAI AUR CHAKKAR BHI AA RAHE HAI BAZAR JAO TO …………… LETE AANA.



MUNNA JA, CHOUKWALE CHEMIST UNCLE SE DAST BAND HONE KI DAWA LE AA, GUDIA KO SUBAH SE DAST LAG RAHE HAI.



YAH DAWAI TO BULWA KAR AAPNE LE LI, YA GUDIA KO DE DI KINTU ISKE KITNE GAMBHIR PARINAM HO SAKTE HAI, KABHI SONCHA HAI AAPNE. JIS SAR DARD AUR CHAKKAR K LIYE AAPNE DAWA BULWAI HAI, AAPKO MARZ VAH NA HO BALKI BLOOD PRESURE YA ANYA KOI BIMARI HO. ISSI PRAKAR GUDIA KO DAST K ANEK KARAN HO SAKTE HAI.



AAPKI TABIYAT KHARAB HONE PAR AAP DOCTOR KO BADI FEES DEKAR DIKHLATE HAI. DOCTOR CHECK UP K BAAD DAWAI LIKHKAR (PRISCRIPTION) DETA HAI AUR AAP SIDHE CHEMIST SE DAWAI LAKAR LENA SHURU KAR DETE HAI.



DAWAI KA PARCHA LETE SAMAY DOCTOR SE YAH JAROOR JAAN LENA CHAHIYE KI DAWAI KITNI MATRA ME AUR KAB KAB LENA HAI. SATH HI YAH BHI JAAN LENA CHAHIYE KI DAWAI LETE SAMAY KYA KYA SAVDHANI BARATNA CHAHIYE.



KUCHH DAWAI GARAM MIZAZ KI HOTI HAI, USS VAKT YAH DEKHA JATA HAI KI ISS DAWAI K SATH ANYA DAWAI LENA HAI YA NAHI, SATH HI DAWAI KHANE K PAHLE KUCHH KHANA HAI YA KHALI PET LENA HAI.



KUCHH DAWA SHARIR ME KISI EK YA ADHIK POSHAK TATV KI KAMI KO PAIDA KARNE KI AADI BHI HOTI HAI. JISKE BAARE ME PAHLE SE GYAN HONE PAR USS VITAMIN YA KHANIJ VISHESH KI BHARPAAI KI JA SAKTI HAI.



APNI MAN MARJI KI DAWA LENA, KAM YA ADHIK DOSE LENA, DAWAI LENE ME LAPARVAHI BARATNA THEEK NAHI HAI.



SADHARAN TAYA DAWAI KO PANI SE HI LENA CHAHIYE, JAB TAK KI AAPKA DOCTOR DAWA KO DOODH YA ANYA TARAL SE LENE K LIYE NA KAHE. JUICE,CHAAY, COFFEE ATHWA COLD DRINK K SATH DAWA LENA THIK NAHI HAI. YAH PEYA PADHARTH AAMASHAY ME DAWAI KO JAJB (DAILUTE) KARNE ME BADHA KHADI KAR DETE HAI JIS SE DAWA KA YA TO BILKUL ASAR NAHI HOGA YA BAHUT KAM.



BAHUT SI ALOPETHIC DAWAYE AISI HOTI HAI JINHE LENE K DOURAN SHARAB SE PARHEJ KARNA JAROORI HO JATA HAI. AISA KARNE PAR DAWA KA ASAR KAM YA JYADA HO SAKTA HAI, ATHWA DAWAI KA REACTION HONE PAR KHATARNAK STHITI BAN SAKTI HAI.



YADI KISI DAWAI K SATH DOCTOR KOI PARHEJ BATLAYE TO PARHEJ KI OR AVASHYA DHYAN DEVE.



KISI BHI DAWA KI KHURAK (DOSAGE) APNI MAN MARJI SE NA BADLE. HAR DAWA KI APNI EK PRABHAV KSHMTA HOTI HAI JO BIMARI K MAAN SE TAY KI JAATI HAI. APNE AAP DAWAI KI MATRA KAM YA JYADA NA KARE ISS SE DAWA APNA PURA ASAR NAHI DIKHA PATI HAI.



YADI KISI DAWAI KA GALAT ASAR DIKHE TO TATKAL DOCTOR SE SAMPARK KAR UNKI SALAH LENA CHAHIYE. JIS DOCTOR NE PARCHA LIKHA HAI YADI VAH NAHI MILTA HAI YA OUT OF STATION HAI TO KISI ANYA YOGYA DOCTOR KI SALAH TURANT LEVE. PAHELE DOCTOR K AANE KA 1-2 DIN INTEJAR NAHI KARE. AUR JAB TAK DOCTOR SE SALAH NA LELE TAB TAK VAH DAWA DOBARA NA LE.



JIS DAWA K KARAN PURV ME TAKLEEF HUIEE HO, USS DAWA K BAARE ME APNE DOCTOR KO AVASHAYA BATLAVE TAKI DOCTOR PRISCRIPTION LIKHTE SAMAY ISS BAAT KA DHYAN RAKHTE HUEE AISI DAWAI NA LIKHE.



AAM JANATA KA YAH SOCH GALAT HAI KI AAYURVIGYAN ME HAR MARJ KI EK NISHCHIT DAWA HOTI HAI, JINHE YAAD KAR LENE SE DOCTOR KI FEES BACH JAYEGI. AISA KADAPI NA KARE ANYATHHA KABHI KABHI GHATAK STHITI BHI HO SAKTI HAI.



KUCHH DAWAO K SATH VISHESH SAVDHANI KI AAVASHYAKTA HAI. ISKE LIYE DOCTOR SE SALAH AVASHYA KAR LEVE KYOKI KUCHH DAWA NEEND LAATI HAI ATHH DAWA LENE K BAAB DRIVING NAHI KI JA SAKTI HAI YA KUCHH DAWA KHALI PET NAHI LI JA SAKTI HAI. ISSI PRAKAR ANTIBIOTIC DAWAO KA PURA DOSE LENA CHAHIYE, KUCHH DIN DAWA LEKAR BICH ME HI DAWA BAND KARNA HANIKARAK HO SAKTA HAI.



ATHH YADI AAP UKT SAVDHANIO KO AMAL ME LAVENGE TO AVASHYA HI ISKA PARINAM
BHI SUKHAD HI HOGA.


Tags:





Mar 16, '10



NEKI KAR JOOTE KHA

MAINE KHAYE HAI, TU BHI KHA


YAH AAPNE KAHI NA KAHI PADHA BHI HOGA ? MAINE KAIEE JAGAH PADHA HAI ARTHAT AAJ KAL KI PARISTHITIYA AISI HAI KI NEKI KARNE WALE KO AKSAR NUKSAN HI UTHANA PADTA HAI.


BAAT JOOTE/CHAPPAK KI CHAL RAHI HAI. AKSAR SADAK CHHAP MAJNU JAB KISI LADKI KO SARE RAH CHHEDTE HAI TO LADKIYA KYA JAVAB DETI HAI ? JOOTE/CHAPPAL KHANA HAI KYA ? YAHI NA ? YAHA TAK KI PURV AMERICAN RASTRAPATI SHRI GEORGE BUSH KO BHI JOOTE KA ANUBHAV IRAQ ME HO GAYA HAI.


KYA AAPNE KABHI CHAPPAL YA JOOTE KHAYE HAI ? YAH BAAT AAP KISI SAMANYA YA BHADRA VYAKTI SE BHI PUCHHENGE TO USSE GUSSA AVASHYA HI AAYEGA. HAI NA ? KINTU YAHA SACHMUCH ME JOOTE KHANE KI BAAT HO RAHI HAI.


AUR JOOTE BHI AISE KI UNKO KHANE K BAAD KOI BHI KHANE WALA TARIF KIYE BINA NAHI RAHEGA.


HAAN TO MAIN CHAPPAL /JOOTE KHANE KI BAAT KAR RAHA THHA.. VASTAV ME FRANCE KI EK MAHILA APNE GHAR ME HI BECKERY KA VYAVSAY KAR RAHI HAI.


ISSI MAHILA NE JISKA NAAM FRANCES COOLE HAI, NE APNI BECKERY ME CHAPPAL AVM JOOTE K AAKAR KI CHOCKLETS BANAIEE HAI, JINHE KHANE WALE BILKUL BHI BURA NAHI MANTE HAI TATHHA KHATE KHATE MUSKRATE RAHTE HAI.


SMT. COOLE K DIMAG ME YAH IDEA AAYA KI KYO NA CHAPPAL/JOOTE K AAKAR KI CHOCKLETS BANAIEE JAAYE?


ISS PRAKAR USNE CHAPPAL/ JOOTE/ LADIES HAND BAG AADI K AAKAR KI CHOCKLET BANAKAR PRASTUT KI. INKI VISHESHTA YAH RAHI KI YAH VIBHINN AAKAR KI CHOCKLETS VIBHINN DESIGNO ME BHI BANAIEE GAIEE THHI.


FRANCE KI 47 VARSHIYA FRANCES COOLE, BRISTAL ME KLIFTON CAKE K NAAM SE APNI BECKERY KI COMPANY CHALA RAHI HAI. SMT COOLE K BANAYE GAYE JOOTO/HAND BAG/CHAPPAL K AAKAR KI CHOCKLETS KI KIMAT BHARTIYA MUDRA ME LAGBHAG 650 RS. SE LEKAR 1500 RS. K BEECH HAI.


SMT. COOLE KA KAHNA HAI KI PAHLI BAAR DEKHNE WALE GRAHAK INHE DEKHKAR AASHCHARYA ME PADH JAATE HAI. MAHILAO KO DENE K LIYE YAH EK ACHHA UPHAR HAI. UNKI BANAIEE HUIEE CHOCKLETS BAHUT JALDI BIK JATI HAI.


SMT.COOLE 10 SAAL PAHLE TAK GRAFIC DESIGNER K ROOP ME NOUKRI KARTI THHI KINTU UNHONE APNE CHOCKLET AVM CAKE K SHOUK K KARAN YAH NOUKRI CHHOD DI THHI.


AAJ VAH LAGBHAG SHAHAR KI 25 DUKANO KO CHOKLETS AVM CAKE KO SUPLY KARTI HAI. UNKE BANAYE GAYE CHOKLETI JOOTO KI ITNI CHARCHA HO RAHI HAI KI LONDON K BECKERY WALE INHE KHARIDNE ME APNI UTSUKTA DIKH RAHE HAI.


HAAN TO KYA IRAADA HAI AAPKA, CHAPPAL/JOOTE KHAYENGE KYA ?


Tags:





Mar 13, '10



KHARAGPUR K FROPPER FRIEND AMAN SHAH (ZONE NAME Truefriend6810 ) NE, MERE POST “DESI PURUSH VIDESHI BALA” K COMMENT ME JO FURJI LOTTERY NIKALNE KI JANKARI AVM BAAD KA VIVRAN DIYA HAI, VAH JANKARI MULTHH MAIN AAPKO POST KAR RAHA HU.



SHRI AMAN SHAH (ZONE NAME Truefriend6810 ) K ANUSAR

Mujhe bhi is tarah ke messages aur mail aate rahte hain. jinhe main delete kar deta hun, par ek rochak kissa batana chaunga.

Kuch saal pahle mujhe ek mail mila tha ki meri lottery lag gayi hai aur mujhe apne sare details verification ke liye bhejna hai tabhi mujhe prize money mil sakta hai.

Maine apna sara details bhej diya, apna bank account ka details with SWIFT CODE jiska istmal karke duniya mein kahin se bhi mere account mein paisa jama karaya ja sakta hai. (Mai Export Field mein hun, jo is field mein honge wo is baat ko jante honge) par is code se paisa nikala nahi ja sakta.

Maine aisa is liye kiya tha kyun ki mai bhi un logon ke saath thodi mastikarna chahata tha ki sabhi log itne bewakoof nahi hote.

do din baad mail aaya ki mere naam se draft bheja jaa chuka hai aur jald mujhe mil jayega.

Mujhe malum tha ki aisa kuch nahi hua hai, par maina jawab bhej diya ki milte hi confirm kar dunga.

4-5 dino ke baad mail mila ki courier custom mein atak gaya hai aur 1200 dollars ka fee bhar kar use liya jaa sakta hai aur courier ka naam aur receipt no. bhi tha.

Maine puchaa dollars kahan bhejna hai to pahle china ka address mila bank account no. ke saath.

Maine sawaal kiya U.K.se aane wale courier ke liye china mein paisa kyun chaiye, to mujhe phir mail aaya jisme singapore ka details tha ki yahan transfer kardo.

Tab maine socha ab in logon ko thoda samjhana padega.

Agle mail me maine apna pura profile export experience ke saath bhej diya aur likha ki duniya mein kahin bhi koi bhi courier jisme documents ho customs clearance ke liye nahi rukta.

tum fraud ho aur tumhara sara details jo abtak mujhe diya hai cyber crime cell ko bhej raha hun.

uske baad koi mail ya message nahi aaya.

In fact these people are in india only. they come as visitors and plan this type of games to cheat innocent peoples.

Mujhe malum tha mai kya kar raha hun, jo nahi jante woh phas jaate hain.

AASHA HAI APP BHI BHAVISHYA ME SAVDHANI RAKHENGE.
AUR KABHI AISA MESSAGE AAYE TO AMAN AVM MUZE AVASHYA YAAD KAR LEVE. HAHAHAHAAAAAAAAA


Tags:





Mar 11, '10



DESI PURUSH VIDESHI BALA

MITRO, MERA PURV KA POST CHETING AVM DOST BANANE ME RANKHE SAVDHANI AAPKO BAHUT PASAND AAYA, YAH AAPKE COMMENTS SE SAHAJ HI SAMZA JA SAKTA HAI.
ISS POST K DWARA MAIN AAPKA DHYAN AISE HI ANYA GORAKH DHANDE KI OR AAKARSHIT KARNA CHAHTA HU.

MERE MESSAGE BOX ME MONTGOMERY, ALBANY, BERLIN, NEW YORK SE AAYE MESSAGE AAPKI JANKARI K LIYE NEECHE DE RAHA HU.

KIS PRAKAR KA JAAL IN LOGO DWARA BUNA JATA HAI, AAP SWAYAM FAISLA KIJIYEGA.

(1) KYA MONTGOMERY, ALBANY, BERLIN, NEW YORK KI YAH TATHHA KATHHIT LADKIYA HINDI JANTI HAI, JO MERA PROFILE PASAND AAYA ?
(2) VE MUZE APNA PHOTO KYO BHEJNA CHAHTI HAI ?
(3) VO KYA MUZSE PYAR KARTI HAI AUR RELATION SHIP BANANA CHAHTI HAI ?
(4) VO MUZSE KYA IMPORTANT DISCUSSION URGENTLY KARNA CHAHTI HAI ?
(5) MERE PROFILE MAIN AISA KYA HAI JO UNKO BAHUT PASAND AAYA ?


(1) From: antonia2000 ( Block [?] ) address : 25, new york

Subject: Hi ANPAD9886
Thursday March 11, '10 - 03.28 pm

Hello. my name is joy Amah i saw your profile at ( www.fropper.com ) and i love it,i think we can build a good relationship from there,so please write me back through my email address ( joyamah25@yahoo.in ) am waiting for your lovely reply soon kis



(2) From: sofia4ufe224 ( Block [?] ) address : 23, albany

Subject: Hi ANPAD9886
Thursday March 11, '10 - 02.33 pm

am sofia, just borwsing on today i saw your porlife i fell happy to know you, if you can send mail to my mail box at (sofiaand26@yahoo.com) . i will give you my picture and i have alots to tell you. i will be glad to hear from you. Thanks


(3) From: peaces2 ( Block [?] ) address : 24, montgomery

Subject: Hi ANPAD9886
Monday March 08, '10 - 09.40 pm

my name is miss peace i saw ur profile at (fropper.com) and have intrest in you i will give u my picture if you reply to me, I believe we can move from here.pls reply me on my email ID here (ppp_mabou@yahoo.com)not to the site, for more



(4) From: tosybaby2001 ( Block [?] ) address : 25, albany

Subject: Hi ANPAD9886
Monday March 08, '10 - 09.43 am

Hi I Miss Tosyn . i saw your profile today at .fropper.com and become intrested in you,i will also like to know more about you,and i want you to send a mail to my id so that i can give you my picture for you to know whom l am.(tosynkanute@yahoo.com)





(5) From: keyaba ( Block [?] ) address : 23, albany

Subject: Hi ANPAD9886
Monday March 01, '10 - 11.44 am

AM A YOUNG A GOOD GIRL WITH GOOD MANNER.....LOOKING FOR A SERIOUS PERSON PLEASE REPLY ME AT (grace_1keyaba@hotmail.co.uk) I SHALL SEND YOU MY PICTURE AS SOON AS YOU CONTACT ME.


(6) From: 202ok ( Block [?] ) address : 24, berlin

Subject: Hi ANPAD9886
Saturday February 27, '10 - 04.08 pm

Hello Dear , My name is Miss Tina, I saw your profile at this site(fropper.com) and want to be in loving relationship with you. (tina4zinga@hotmail.com) is my private e-mail addres.I would like you to contact me back via- my private e-mail..kiss




(7) From: mirianbab ( Block [?] ) address : 23, montgomery

Subject: Hi ANPAD9886
Friday February 26, '10 - 06.05 am

HELLO My Name is Miss Maria Fred,Please i want you to write me back in my email (maria4lovefred@yahoo.com ) Because i will like to have an important discussion that i will like to discuss with you urgently,

(8) From: sofia4life ( Block [?] ) address : 23,miles

Subject: Hi ANPAD9886
Friday February 19, '10 - 12.03 am

am favour, just borwsing on tagged today i saw your porlife i fell happy to know you, if you can send mail to my mail box at favourand2010@hotmail.com. i will give you my picture and i have alots to tell you. i will be glad to hear from you. Thanks

(9) From: estergirl ( Block [?] ) address : 24,Khartoum

Subject: Hi ANPAD9886
Saturday February 13, '10 - 12.39 am

Hello!!! Please reply to my email: estergirl44@yahoo.com My name is ester, average hight and good looking,I saw your profile and was delighted to contact you, So please contact me directly through my email address estergirl44@yahoo.com


AB AAPKO PATA CHAL GAYA HOGA KI KIS PRAKAR YAH AAPKE E-MAIL ID PRAPT KAR USKA DURUPYOG KARTE HONGE.

FAISLA AAP KIJIYEGA.


Tags:





Mar 10, '10



INTERNET KI SOCIAL SITES PAR CHETTING AVM DOSTI SONCH SAMAZ KAR KI JAANA CHAHIYE KHASKAR KISHORE AVM YUVA VAY KI LADKIYO KO. KYOKI KABHI KABHI VE AISE BHULAVE ME AA SAKTI HAI KI BAAD ME UNHE PACHHTANA PAD SAKTA HAI.

AAJ KI YUVA PEEDHI APNE AAP KO JYADA SAMAZDAR SAMAZTI HAI. HAAN PAHLE SE SHIKSHA AVM ANYA SAMAJIK PARIVARTAN K KARAN YUVA VARG JYADA SAMAZDAR HO GAYA HAI LEKIN KABHI KABHI ATI SAMAZDARI BHI DUKHDAYI HO SAKTI HAI KHAS KAR LADKIYO K LIYE.

AAJ K SAMACHAR PATRA ME “JARA HATKE” SHIRSHAK K ANTARGAT VIBHINN JANKARIO K SATH EK LEKH ISS SAMBANDH ME BHI HAI, JO MUZE ACHHA LAGA ISSLIYE MAIN AAPKE SATH SHARE KAR RAHA HU.

LONDAN ME EK LADKI K SATH DUSHKRATYA KARNE K BAAD USKI HATYA KAR DI GAIEE. HATYA K AAROP ME 35 SAAL KI SAJA KAAT RAHE USS HATYARE NE INTERNET PAR JHOOT KA JAAL BUNKAR USS LADKI KO FASAYA GAYA THHA.

ISS 33 VARSHIYA YUVAK NE NET KI SOCIAL SITE PAR APNE PROFILE ME APNE AAP KO 17 VARSH KA BATLAYA THHA.

ISS SOCIAL SATE PAR AAKARSHAK PROFAILE AVM 17 VARSHIYA YUVAK KI JANKARI K AADHAR PAR USKI LAGBHAG 6000 MAHILA MITRA BAN GAII AUR INME ADHIKTAR KISHOR VAY KI LADKIYA THHI.

DIKHNE ME GANJA PEETER CHEPMAN LADKIYO KO EK YUVA KISHORE KI TASVEER BHEJ KAR RIZATA THHA. VAH USS AAKARSHAK YUVAK KI TASVEER KO APNI BATLATA THHA AUR LADKIYA USKE JAAL ME FAS JATI THHI.

YAHI NAHI APNI FACE BOOK PROFILE ME VAH KHUD KO SINGLE AVM DJ BATLATA THHA..

PICHHLE SAAL OCTOBER ME USNE ASHLEEN HAAL KO APNE JAAL ME PHASAKAR MILNE K LIYE BULAYA. USKE BAAD USNE USKA APHARAN KARKE USKE SATH DUSKRTYA KIYA AUR USKI HATYA KAR DI. HATYA K DOOSRE DIN PAKDE JAANE PAR USNE APNA GUNAH BHI KABOOL KAR LIYA.. ISSI HATYA K GUNAH ME USSE 35 SAAL KI SAJA HUEE HAI.

USKA NISHANA BANI ASHLEEN UN 6000 LADKIYO ME SE EK THHI, JINSE USNE 10 NETWORKING SITES K JARIYE DOSTI KI THHI. VAH INTERNET PAR LADKIYO KO DHUNDH DHUND KAR APNI DOST BANATA THHA.

ISKE PAHLE BHI CHEPMAN DO VESHYAO (PROS) K DUSHKARM K AAROP ME SAAT SAAL KI SAJA KAAT CHUKA HAI.

USS PAR 15 VARSH KI AAYU ME BHI DUSHKARM KA AAROP LAG CHUKA THHA.

VAH INTERNET PAR CHET K JARIYE KAI ANYA MAHILAO KO BHI BISTER PAR LAANE ME SAFAL RAHA HAI.

THE SUN ME CHHAPI KHABAR K ANUSAR JIN MAHILAO SE ISKE INTERNET K JARIYE SAMBANDH BANE HAI, UNKA KAHNA HAI KI YAH MAHILAO KO FASANE ME EXPERT THHA..VAH APNI MANMOHAK BAANTO SE MAHILAO KO RIZA LETA THHA.

ISS POST KO SHARE KARNE KA MERA MAKSAD SIRF YAHI HAI KI MERE FROPPER MITRA BHI SATARK RAHE. PROFILE ME DI GAIEE AAKARSHAK JANKARI, AAKARSHAK PHOTO YA ANYA KISI JANKARI K BAHKAVE ME NA AAVE TATHHA PURN SONCH SAMAZ KAR HI MITRATA YA CHETTING KARE.

HO SAKTA HAI MERE ISS POST SE KUCHH FROPPER MITRO KO BURA LAG SAKTA HAI. MAIN AISE MITRO SE JINHE MERA YAH POST ACHHA NAHI LAGA HO, KSHAMA MANGTA HU.


Tags:





Mar 05, '10



MALWA ANCHAL K JHABUA,DHAR,KHARGONE,ALIRAJPUR AVM BADWANI K AAS PAAS AADIVASI BAHULYA WALE KSHETRO ME JIS PRAKAR BHAGORIYA KA PARV MANAYA JATA HAI, USSI PRAKAR INHI KSHETRO ME GAL AUR CHOOL KA MELA DHULENDI (FALGUN MAH KI EKAM KO) LAGTA HAI. ISSE MANNAT YA ICHHA PURTI UTSAV BHI KAHA JA SAKTA HAI. ISSI DIN SE LAGBHAG SHITLA SAPTMI TAK JABRAN GOTH VASULI BHI KI JATI HAI.


ISS POST ME PRASTUT HAI GAL AUR CHOOL MELE TATHHA JABRAN GOTH VASULI KI JANKARI.


GAL KA MELA


GAL KA MELA AADIVASI BAHULYA KSHETRO ME PURV NIRDHARIT STHHANO PAR LAGTA HAI. AADIVASI VESH BHOOSHA ME GAL K STHHAN PAR APNE APNE PARIVAR AVM FALIYE K LOGO K SATH RASTE BHAR DOL AUR MANDAL KI THHAP PAR NACHTE AUR GATE HUEE PAHUCHTE HAI.


YAH EK MANNAT (MANTA) PARV HAI. JIS VYAKTI KI KOI MANNAT PURN HO JATI HAI VAH MANNATDHARI SAFED AUR LAL KAPDE PAHAN KAR PURE SHARIR ME HALDI KI PARAT (LEP) CHADHAKAR DHULENDI (HOLI KA DOOSRA DIN) K DIN MANNAT PURN KARNE K LIYE PARIVAR SAHIT HARSHOLLAS K SATH GAL WALE STHHAN PAR AATA HAI.


GAL LAGBHAG 20-25 FEET UNCHHE STHHAN PAR BANAYA JATA HAI LAKDI K MAJBOOT PAYO KA EK MACHHAN BANAYA JATA HAI. ISS MACHHAN K BICHO BICH EK MAJBOOT LAKDI LAGA KAR USS PAR EK AADI LAKDI, CHARO AUR GHOMNEWALI, BANDH DI JATI HAI JO DIKHNE ME ANGREJI K T K AAKAR KI DIKHTI HAI. ISS AADI LAKDI PAR USS MANNATDHARI KO BANDH DIYA JATA HAI AUR MACHHAN PAR MOJOOD DO VYAKTIYO DWARA LAKDI KO GOL GHUMAYA JATA HAI. USS MANNATDHARI KO GAL PAR BANDHE BANDHE HI HAWA ME GOL GOL GHUMAYA JATA HAI. ISS PRAKAR USS MANNATDHARI KI MANTA PURN HO JATI HAI.


AISA KAHA JATA HAI KI GAL PAR GHUMNE K THIK PAHLE MANNATDHARI K SHARIR ME KUCHH ADRSYA ATMA PRAVESH KARTI HAI AUR VAH MANNATDHARI KAPNE LAGTA HAI. ISS PRAKRIYA K PURN HONE K BAAD BAKRE KI BALI DENE KI BHI RASM HAI.


CHOOL KA MELA


CHOOL PARV PAR BHI AADIVASIYO ME PARAMPARA, AASTHA AUR VISHVAS KA ANOOTHA SANGAM DEKHNE KO MILTA HAI. JIS PRAKAR GAL MELE ME MANNATDHARI APNI ICHHA PURN HONE PAR GAL PAR BANDHKAR HAWA ME GHOOMTE HAI USSI PRAKAR CHOOL ME BHI MANNAT PURN HONE PAR DHADHAKTE HUEE ANGARO PAR NAGGE PER CHALKAR APNE ARADHYA DEV KO NAMAN KARTE HAI.


LAGBHAG 10 SE 15 FEET LAMBE AUR 1 FEET GAHARE GADDHE ME DHADHAKTE HUEE ANGARE RAKHE JATE HAI. MANNATDHARIYO KO USS PAR SE NIKALNE K PAHLE UN ANGARO PAR GHEE DALA JATA HAI. MATA K PRAKOP SE BACHNE K LIYE TATHHA APNI ICHHIT KARYA SAMPANN HONE PAR SHRADDHALU JAN MATA KA SMARAN KARTE HUEE UNN DHADHAKTE HUEE ANGORO PAR SE MUSKRATE HUEE NIKAL JATE HAI.


AADIVASIYO K SATH SATH ANYA SAMAJ KI MAHILAYE BHI MATA PARVATI KI AARADHNA KARTE HUEE MANNAT PURN HONE PAR NAGGE PER DHADHAKTE HUEE ANGARO PAR CHAL KAR NIKALTI HAI. KAIEE LOG TO BINA KISI PURV MANNAT K APNE GHAR ME SUKH, SHANTI AUR SMRADDHI K LIYE BHI INN ANGARO PAR CHAL KAR NIKALTE HAI.


GOTH VASULI


HOLI K DOOSRE DIN SE SHITLA SAPTMI TAK GOTH VASULI KI PARMPARA AADIVASI SAMUDAY ME HAI. INN SAT DINO TAK 5-6 SAAL K BACHHO SE LEKAR YUVA VARG K PURUSH-MAHILAYE EK STHAN PAR EKTRIT HOKAR SADKO PAR BADE BADE PATHHAR LAGA DETE HAI AUR RASTA ROK LETE HAI. HAR AANE JAANE WALE VAHNO SE 5-25 RUPYE TAK GOTH VASULI KARTE HAI. JO VAHAN MALIK/CHALAK CHUPCHAP VANCHHIT RASHI UNHE DE DETA HAI UNHE PATHHAR HATAKAR AAGE JAANE DETE HAI AUR JO VAHAN CHALAK UNHE GOTH K RUPYE NAHI DETA HAI UNKE VAHAN PAR GANDGI FENK DETE HAI YA VAHAN K KANCH TAK FOD DALTE HAI.


AADIVASI KSHETRA K HAR 5 SE 10 K.M. PAR ISS PRAKAR KA JABRIYA GOTH VASULI KA BERIYAR MILNA AAM BAAT HAI. ISS PRAKAR JAHA GANTAVYA PAR PAHUCHNE ME KAFI SAMAY LAG JATA HAI VAHI SHARARTIYO AVM HUDDANGIYO K DWARA VAHAN K KANCH AADI FODNE SE AARTHIK NUKSAN BHI HOTA HAI. EK EK VAHAN CHALAK KO PURE RASTE GOTH (JABRIYA VASULI) K ROOP ME KAM SE KAM 100-200 RUPYE BANTNA PADTE HAI.


KAI NIJI BUS WALE TO AISE ILAKO ME INN DINO APNI BUS HI KAM CHALATE HAI. YAH LOG GOTH VASULI WALE RASTE PAR BADE BADE PATHHAR LAGATE TO HAI KINTU BAAD ME JAB VE VAHA SE JATE HAI TO PATHHAR HATATE NAHI HAI. ISKA NATIJA YAH HOTA HAI KI RATRI ME VAHAN CHALKO KO KAFI PARESHANI KA SAMNA KARNA PADTA HAI JIS SE DURGATNA KI SAMBHAVNA BADH JATI HAI AVM LOOT PAAT KI GHATNAYE BHI BADH JATI HAI.


GOTH VASULI K BAAD SABHI VASULIKARTA VASULI KI RASHI SE CHHAK KAR SHARAB PEETE HAI AUR KHANE ME PAISA PURA KAR DETE HAI.


Tags:





Feb 23, '10



HOLI ME RANGOLI ? YAH SUNKAR AJEEB SA LAGTA HAI NA ? HAAN, MUZE BHI LAGA THHA, JAB PAHLI BAAR MAINE SUNA THHA.




MADHYAPRADESH ME INDORE SE 35 K.M. DOOR DEWAS NAGAR HAI, JO JILA MUKHYALAY BHI HAI. YAHA HOLI K SAMAY RANGOLI K BADE BADE CHITRA BANAYE JATE HAI.


APNE DEWAS PRAVAS K DOURAN MITRO AVM MAKAN MALIK DWARA MUZE BATLAYA GAYA KI YAHA PAR HOLI KI PURV SANDHYA PAR CHOURAHE CHOURAHE PAR VIBBHINN RANGO SE BANI RANGOLI K CHITRA BANAYE JAATE HAI AVM MAHILA AVM PURUSH RANGOLI DEKHNE BADI SANKHYA ME JAATE HAI. USS SAMAY YAH MERI KALPANA SE PAREE THHA KYOKI INDORE ME MAINE HOLI K EK DIN PURV SE HI HOLI K RANGO KI SHURUVAT HOTE DEKHA HAI. MAINE BHI ANYA MITRO K SATH HOLI KO RAAT BHAR JAAG KAR HANSI THHITHOLI KARTE HUEE RANG GULAL FENKTE RAHTE THHE.

HAAN TO MAIN DEWAS KI RANGOLI KI BAAT KAR RAHA THHA.


MERI BHI UTSUKTA THHI KI MAIN INN RANGOLI K CHITRO KO DEKHU.


HOLI KI PURV SANDHYA KO MAINE RANGOLI DEKHNE KA VICHAR KARTE HUEE HOLI K KAPDE PAHNE, KYOKI INDORE ME HOLI K SAMAY HUM LOG AISE KAPDE PAHANTE THHE, JO HAME REJECT KARNA HOTA THHA TAKI HOLI KA RANG KHELNE K BAAD UN KAPDO KO FENKA JA SAKE.


JAISE HI MAIN HOLI K KAPDE PAHAN KAR BAHAR NIKLA, MAINE DEKHA KI PURUSH AVM MAHILAO K JHUND TATHA PARIVAR BHI RANGOLI DEKHNE K LIYE BADE UTSAH SE JA RAHE HAI.


UN LOGO NE JO KAPDE PAHAN RAKHE THHE, UNKO DEKHKAR MUZE APNE AAP PAR SHARM AA RAHI THHI KYOKI YAH SAB PURUSH, MAHILAYE AVM BACHHE SAJ DHAJ KAR RANGOLI DEKHNE JA RAHE THHE. AISA LAG RAHA THHA MANO VE KISI VIVAH YA ANYA SAMAROH ME HISSA LENE JA RAHE HO.


PAHLE CHOURAHE JAWAHAR CHOUK PAR PAHUCHATE HI MAINE DEKHA KI VAHA SADAK PAR BAHUT BADE BADE RANGOLI K CHITA BANAYE GAYEE HAI AUR VAHA LAGAI GAIEE ROSHNI UNN RANGOLI K CHITRO KO AUR BHI AAKARSHAK BANA RAHI THHI.USKE BAAD MANKAMNESWAR MANDIR CHOURAHA,NOVELTY CHOURAHA, VIJYA ROAD AADI STHANO PAR BHI RANGOLI K BADE BADE CHITRA DEKHKAR MAIN HAIRAN RAH GAYA KYOKI MERI KALPANA SE PAREE THHA YAH SAB. RANGOLI K CHITRA ITNE SAJEEV LAG RAHE THHE MANO AB BOL HI PADENGE.


INN RANGOLI K CHITRO ME DHARMIK, RAJNAITIK,FILMI ABHINETA-ABHINETRIYO, SENERI K SATH SATH SAM SAMYIK VISHYO K HOTE THHE. EK EK CHOURAHE PAR RANGOLI KE 2-3 BADE BADE CHITRO K SATH HI EK DO CHHOTE CHITRA BHI BANAYE JATE THHE.


USKE BAAD JAB TAK MAIN DEWAS ME RAHA PRATYEK VARSH HOLI PAR RANGOLI K CHITRA DEKHNE AVASHYA JATA THHA, LEKIN ACHHE KAPDE PAHAN KAR............. HAHAHAHAAAAAAAAA


Tags:





Feb 20, '10



PASCHIMI MADHYA PRADESH K JHABUA, DHAR, BARWANI AVM KHARGONE JILE K AADIVASIO (BHIL-BHILALA)KA RANGA RANG TYOHAR HAI BHAGORIA.







JIS SAAL FASAL (KRASHI UPAJ) ACHHI HOTI HAI, USS SAAL BHAGORIA AUR JYADA DHOOM DHAM SE MANAYA JATA HAI.ISS BHAGORIA HAAT KO SWAYAMVAR UTSAV BHI KAHA JATA HAI.



PAHLE BHAGORIA HAAT PURANE JHAGDE NIPTANE KA KENDRA HOTA THHA. JISME KHOON KHARABA AAM BAAT THHI,ISS HAAT ME ANEKO MURDER HO JAYA KARTE THHE.KHOON KA KHEL KHULKAR KHELA JATA THHA. KINTU AB POLICE KI SAKHTI AVM HAAT BAZAR ME HATHIYAR LAANE KI BANDHISH K KARAN KHUNI KHEL NAAM MATRA KA RAH GAYA HAI.







BHAGORIA HOLI K AATH (8) DIN PAHLE SE SHURU HOTA HAI TATHA AADIVASI KSHETRA ME JAHA JAHA SAPTAHIK HAT BAZAR LAGTE HAI, USS DIN VAHA PAR BHAGORIA UTSAV MANAYA JATA HAI.






BHAGORIA SWAYAMVAR K SATH SATH PRANAY UTSAV BHI MANA JATA HAI. ISS BHAGORIA HAAT ME AAS PAAS K GRAMIN KSHETRA K LOG BADI SANKHYA ME AATE HAI. YAH LOG BHAGORIA HAAT KA BESABRI SE INTEJAR KARTE HAI. JIS DIN JAHA BHAGORIA HAAT LAGTA HAI VAHA K AAS PAAS KE JAWAN LADKE-LADKIA EK DIN PAHLE SE HI AKSAR NADI NALO ME PAHUCHKAR APNE SHARIR KO RAGAD RAGAD KAR NAHATE HAI AUR APNE SHARIR KO UJLA AVM SAAF KARNE KA PRAYAS KARTE HAI. KAPDO KI BHI ACHHI SAFAI KARTE HAI.






DHOL AVM MAANDAL KI THHAP PAR AADIVASI NRATYA DEKHTE HI BANTA HAI. AAJKAL SHAHRO SE BHI KAIEE VYAKTI BHAGORIA UTSAV DEKHNE SAMBHANDHIT HAAT BAZZAR ME AATE HAI. SAATH HI VIDESHI PARYATAK BHI ISKA AANAND LETE DEKHE GAYE HAI.







BHAGORIA KA NAAM INGIT KARTA HAI BHAGNE KO, ARTHAT BHAGNE KA TYOHAR. ISS BHAGORIA MELE (HAAT) ME AADIVASI YUVAK-YUVTIYA PRATHH SE HI SAJNA SANVARNA SHURU KAR DETE HAI.RASTE ME KAHI UNKA MAKE UP BIGAD NA JAAYE ISS LIYE YE APNE SATH SURMA, KANCH, KANGHI AADI RAKHKAR APNE BHAVI JEEVAN SATHI KO CHUNNE K LIYE GHAR SE NIKAL PADTE HAI.HAI. KALA CHASMA,MUH ME PAAN KHAYE CHHEL CHHABILE BANKAR VE SAMUH ME RAHKAR HANSI THHITHOLI KATRE HUEE EK DUSRE KO AAKARSHIT KARNE KA BHARSAK PRAYAS KARTE HAI.



YAH JAROORI NAHI HAI KI BHAGORIA HAAT K DOURAN HI YAH SAB EK DUM YA EK HI DIN ME HO JAAYE. KABHI KABHI YUVAK KO APNI HONE WALI PATNI KO RIZAANE K LIYE KAFI PRAYAS KARNA PADTE HAI. SAMANYATAYA YAH YUVA EK DUSRE KO PAHLE SE JANTE HAI AVM EK DUSRE KO PASAND BHI KARTE HAI.JISE BHAGORIA MELE (HAAT) ME EK DUSRE KO UNKE SAMAJ K SAMNE SWEEKARNE KA PLATE FORM MIL JATA HAI.







YUVA PURUSH JIS LADKI KO PASAND KAR LETA HAI, USKE GAAL PAR LAAL RANG YA GULAL LAGAKAR PAAN KA BEEDA DETA HAI. YADI YUVTI USKE PRANAY NIVEDAN KO SWEEKAR KAR LETI HAI TO VAH BHI USS YUVAK KO RANG YA GULAL LAGA DETI HAI AUR YAH JODA VAHA SE BHAG JATA HAI. BAAD ME AADIVASI PARAMPARA K ANUSAR UNKE PARIVAR WALE BHI, INKE ISS RISTO KO MAAN LETE HAI. YADI UNKE PARIVAR WALE AAPAS ME NAHI MANTE HAI TO YAH JODE KAIEE VARSHO TAK SATH RAHTE HAI. BAAD ME LENE DEN KA SAMJHOUTA HONE PAR, 2-3 BACHHE HONE PAR BHI INKI SHAADI AADIVASI PARAMPARA ANUSAR KAR DI JATI HAI.







AAJKAL JAISE JAISE SHIKSHA KA PRACHAR PRASAR BADH RAHA HAI, VAISE VAISE RUDHIO ME BHI BADLAV AA RAHA HAI, JISKE KARAN YAH JAROORI NAHI HAI KI VE YUVA BHAGORIA UTSAV ME EK DUSRE KO PASAND KARKE BHAG JAAVE.







VARTMAN ME, BHAGORIA UTSAV ME YAH YUVAK-YUVTIA EK DUSRE KO PASAND KARNE K BAAD INKE PARIJAN AAPAS ME CHARCHA KARKE INKA SAMBANDH TAY KAR DETE HAI.


Tags:





Jan 18, '10



KABHI KABHI BHASHA YA KSHETRIYA BOLI K KARAN ARTH KA ANARTH HO JATA HAI YA DWIARTHI WAKYA HONE K KARAN BHI HASYASPAD STHITI HO JATI HAI.

MAIN AAPKO EK SACHHI GHATNA K AADHAR PAR YAH POST BHEJ RAHA HU.

INDORE K COLLEGE KI EK TRIP GHUMNE K LIYE AJANTA,ELLORA AVM BOMBAY KI OR GAYEE THI.

TRIP K SADASYA CHHATRA-CHHATRAYE BOMBAY KI EK DHARMASHALA (YAHA MAINE USS DHARMSHALA KA NAAM AVM AREA JAAN BOOJHKAR NAHI DIYA HAI)ME THHAHRE THHE. DHARMASHALA K NAJDEEK HI EK DHOBHI KI DUKAN THI, JAHA BOARD LAGA THHA "STRI CHALU AAHE".(ARTHAT KAPDE PAR PRESS KARNE K LIYE PRESS CHALU HAI )

TRIP K EK MANCHALE SADASYA NE BOARD DEKHKAR PUCHHA "KYO TUMHARI STRI CHALU HAI" ( HINDI ILAAKE ME, JISKA CHAL CHALAN ACHHA NA HO, USSE CHALU KAHATE HAI )

YAH SUNKAR VAH DHOBHI SAMAZ GAYA KI YAH KIS BHAWARTH ME PUCHH RAHA HAI. VAH DANDA LEKAR USS MANCHALE KI TARAF DOUDA. AB BHAGNE KI BAARI USS MANCHALE KI THHI. VAH SARPAT DOUDTA HUAA AANKHO SE OZAL HO GAYA.


Tags:





Dec 07, '09



EK GOVT.SERVENT KI BIBI TELEPHONE DEPTT. ME TELEPHONE OPRETOR THI. ROZANA MIYA BIBI ME KISI NA KISI BAAT PAR ZAGDA HOTA RAHTA THA. STHITI YAH THHI KI DONO EK DUSRE SE TANG AA CHUKE THHE.

EK DIN AKASMAT USKI BIBI KI MOUT HO GAIEE. USKI SHAV YATRA NIKAL RAHI THHI. RASTE ME EK TELEPHONE KA KHAMBHA THA, JIS SE USKI ARTHI TAKARA GAIEE, ARTHI TAKRATE HI USKI BIBI JINDA HO GAIEE. VAH BADBADA RAHI THHI. YES PLEASE BOMBAY KI LINE VYAST HAI DELHI K CALLER SE BAAT KIJEEYE.

EK-DO SAAL BAAD PHIR BIMARI SE USSKI BIBI KI MOUT HO GAIEE. SHAV YATRA NIKAL RAHI THHI. SHAMSHAN PAHUCHTE PAHUCHTE PHIR EK ANYA TELEPHONE K KHAMBE SE ARTHI TAKARA GAIEE. VAH PHIR JINDA HO GAIEE. PHIR VAH SHURU HO GAIEE THHI, YES PLEASE BAARISH K KARAN SABHI TELEPHONE LINE KHARAB HAI, AAP SHAM TAK INTEJAR KIJEEYE.
EK ACCIDENT ME KUCHH SAMAY BAAD PHIR USS KI BIBI KI MRATU HO GAIEE. PHIR ARTHI SAJAKAR SHAV YATRA NIKALNE LAGI. LEKIN ISS BAAR USKA PATI ARTHI K AAGE AAGE CHILLATA JA RAHA THA

"KHAMBHA BACHA KE" "KHAMBHA BACHA KE"


Tags: