Fropper.com Blogs – Free Blogging

Life is not easy

Aug 07, '09

Ek ladki thi diwani si, mobile lekar firti thi ,
Sharmakar laihrakar mobile me vo jane kya kya karti thi,
Jab bhi milti thi mujhse akshar pucha karti thi,
Ye on kaise hota hai , ye on kaise hota hai,
aur mai hamesha us se yahi kaihta tha,
Pagli 'Zoha' ye mobile nahi TV ka remote hai.
Kya likhun Is Mobile ke bare me.Aaj har kisi ki zarurat ban gaya hai ye kaan pe laga kar baat karene wala chhota sa yantra.Aalam ye hai ke ab to ye 'Bndhon' aur 'Bhikhariyon' ke haaton me bhi aashani se dekha ja sakta hai.Ladkiyan mobile leti hai sirf Missed call marne ke liye.shayad bhagwan ne unhe ye wardaan diya hai ke beta zindagi me kuch bhi karna lekin kabhi kisi ko direct call mat karna.unke beech ye sher bahut popular hai.
Missed call ek masti hai, jo sms se bhi sasti hai,
Nind ko bhagati hai, khoon ko jalati hai,
aur na chahte huye bhi meri yaad aati hai.
Ek din mera bhi Dil kiya ke kisi ki trin trin par mai bhi hello bolun.usi din market gaye aur naya hand set lekar aa gaye..lekin ham ye shauk jada din tak na kar sake.log jab raat ke 3 baje phone karke jab ye puchne lage 'wasim bhai' so rahe ho kya..??' to majburan maine apna mobile apne dost Sunny ko de diya.bina mobile ke kuch adhura sa lagta tha lekin fir bhi mai kush tha.ke
Ek Din sunny mere ghar aaye darwaza khat-khataye,
ham darwaza khole sunny mujh se bole,
mujhe tumhare pran chahiye abhi just,
sunny bhaiyya abhi thodi der paihle the aap bade mast,
Ab achanak kya ho gaya jo ho gaye itne dust.
Sunny ne mera mobile set wapas karte huye mujhse kaha,
Ye galat jankari deta hai,ise accha piece bata kar tume jabran mujhe thamaya tha,ye to tab pata chala jab call received nahikarne par 'Missed call ka aana bataya,
jab ki call kisi MISS nahi ghar se MISSES ka phone aaya tha,
paihle maine kisi Miss ka samjh kar, khushi ke mare lapak kar,uska No. lagane laga..no. milte hi ishq farmane laga.
yahan tak ke kiss ke liye us miss ko uksaya,
dono milkar Kismis ban jayenge apna dili izhar jataya,
udhar se vo dapat kar boli o akal ke dushman,
phaihle ghar aa fir teri khabar lungi,
tujhe kiss chahiye na mai tujhe 'kaddu' ki tarha ghis dungi.
Ab to musibat aan padi hai,ghar nahi jaa pa raha hun,
darbaje par mere swagat ke liye meri biwi jo taiyyar khadi hai.

hahaha maine kaha tha na beta ise zara sambhal ke rakhna.Are tujhe hansi aa rahi hai aur yahan meri jaan nikli ja rahi hai.kuch tarika bata is se bachne ka.Tu bhi pagal hai yaar.. is se bachne ka tarika agar mere pass hota to ye pyara mobile mai tujhe kyun deta.Yaar kuch bhi kar mujhe is musibat se nikal.....ek kaam kar phone laga..kise..??Vakeel ko...!!tu dost hai ya dushman itni si baat par tu mera Devorce karwana chahta hai...mai apni biwi se bahut pyar karta hun yaar.... sunny tu itna advance kyun chalta hai...??tu sirf phone laga kyun ki lowyer ek no ke lier bhi hote hai....lekin wasim mai kisi lier i meean lowyer ko nahi janta.Are yaar apni dost Madu ko phone laga..Madhu...??Vo pagli lowyer kab se ban gayi...abhi aadhi hi bani hai lekin tera kaam ho jayega...!!
Trin....trin..hello sunny bolo kaisa hai....kuch mat pucho yaar aaj phone par...........................!!!!!!
o ho bas itni si baat..ek kaam kar apna Mobile switch off kar aur kisi dusre phone se apni biwi ko phone laga aur pyar se puch...."Janun kahin mai galti se apna Mobile ghar par to nahi bhool gaya"...vo bolegi...are abhi to tumse baat ki thi tum kiss ke liye....are karam jali kis se kiss ki baten ki mera mobile to subha se mil hi nahi raha hai....aaj pata chala ke mere ghar se nikalte hi tumhara phone itna busy kyun raihta hai.ruk mai abhi ghar aata hun..,,fir shirt ki 2 batan khol kar ghar jana ab uska wahi haal hoga jo abhi tumhara hai...wah Madhu u r great.
Sunny ka kaam to ho gaya........ lekin kya sunny Madhu ke dikhaye huye raste par chal kar bach payega....kya vo itna bada jhoot bol payega....kya vo apni biwi se ye baat zada din tak chupa payega...ye sab janne ke liye milte hai ek chhote se break ke baad tab tak aap chai coffee pijiye aur apne comments dijiye.

Wasim(Goa)

Tags:

39 Comment(s) |

Share | Permalink [?] |

Rating:

[ Votes: 3 ]

May 31, '09

RICHA'S BIRTH DAY PARTY

Dear Friends,
                    Aaj Richa ka Birth Day hai aur usne apne sare Doston ko invite kiya hai.Party Jaipur ke sabse Aalishan hotel "Palace" me rakhi thi.Hotel ko itne shaandar tarike se sajaya gaya tha ke samne se gujarne wala har inshan ek baar ruk kar andar jana chahe..... lekin aaj hotel me sirf kuch khas Doston ki hi entry thi.
Hotel ka vo hall jahan kuch der baad party shuru hone wali thi kisi ne badi mehnat se sajaya tha.Bade-bade jhoomaron me timtimati roshniyan Ashman me jagmagate shitaron se kam nahi lag rahi thi.Ran-Birange latakte saikron gubbare aur us par Stage par bajte A. R. Rehmna ke madhur sangeet ne mehfil ko aur bhi khushnuma bana diya tha.
      Sanny, Chirkut(dard-e-dil), Swapnil, Vijay(Arjoomehta),
Umiz, Rehman(Goa), Nikhar, Mithaiwala, Meeta Ji, Zuveriya ji,
Shayana(The_enigma_inside),Tarun6028, Kiddo.Ye sab log party me aa chuke the.Inhe parties itni pasand hai ke ye kabhi late ho hi nahi sakte.
          Mezaban Richa Vikki ke sath aane wale har mehman ka welcome karne me busy thi.Hall Dhire-dhire bhar raha tha.Jahan ek taraf Bhoot apni love story ke bare me apne doston ko bata rahe the wahi dusri taraf Akhhi(akhtar7868) apne jokes aur sher-o-shayriyan suna kar sabhi doston ko gudguda rahe the.
      In sab se alag Zoha(in_searching_of_me) badi gum-shum khdi thi.jab Affan(A-L-I-sagittariun) se nahi raha gaya to usne jakar puchh hi liya.Zoha ji kya baat hai badi udas lag rahi ho.Nahi aisi koi baat nahi hai mai to bas ye soch rahi thi ke Mehfilon ki shaan wasim kahi dikhayi nahi de raha.jabki ye uski best friend ki b'day party hai.Are rahi hogi koi problem jab party dene wali Richa ko koi fikar nahi to tum kyun itna pareshan ho rahi ho.Forgot him n just enjoy the Party yaar.
               Dur khadi Parveen(Lovely1981cap) ne Akkhi ko awaz di.Akkhi ji uncle 'Galib' ke charche bahut ho gay ab khoi sher aaj ki khas Richa ke liye bhi ho jaye.accha aisa kya fir sher arz hai mulahiza farmaiye......irshad..!!

Richa meri Zindagi me aisi aayi,....wah..wah
Richa meri zindagi me aisi aayi ,

jaise hare-bhare khet me 'Bakri' ghus aayi.

Akhtar teri toooooo.shukar manao aaj mera mood thik hai warna mai tumhare is sher ka jabab zarur deti.Isi hansi khusi mahaol me richa ne cake par lagi candle ko bujha kar cake kata.cake ke kat te hi ek sath sab ne mil kar gaya

Happy Birth Day;Happy Birth Day,
Happy Birth Day Dear Richa.

                Sab log cake par hath saf kar rahe rahe jisme sabse aage akkhi ji the.Hall me ek aawaz gunji.
                Hello dear friends..... mike par Sajal ji(sbm09) bol rehe the..... Aaj ki Party ko aur bhi rangeen banane ke liye 'Chilman ji' hamare liye gana gayengi...shajal ji aap ko pata hai mujhe gana-wana nahi aata fir kyun aap meri itni acchi dress par Ande aur Sade Tamatar fudwane par tule huye ho...sorry friends Chilman ji ke gale me thodi problem hai lekin aap ko pareshan hone ki koi zarurat nahi hai aaj ki parti me gana gayengi Dishpur ki shan miss Madhu(mastii-0068).
        Nahiiiiiiiii................... Madhu tum in doston ke samne mat gana.Sanjay aap ko 'Shole' ka Viru banne ki koi zarurat nahi.Aap kya chahte hai mai hamesha 'Bath Room' Singure hi bani rahun.aaj paihli baar stage par perform karne ka chance mila hai mai ise aise hi jane dun.madhu ne gana shuru kiya.

Zindagi is tarha se lagne lai rang ud jayen jo Deewaron se,
Ab chhupane ko apna kuch na raha, zakham..........

Are chup kar yaar....kya hua meenu ji(Just-Meenu) mai accha nahi gati kya....??Are yaar aisi koi baat nahi hai tum bahut accha gati ho lekin kuch mahaol ko bhi samjho ye Richa ki b'day parti hai 'Sunny' ki maran day party nahi.kuch aisa gao ke log jhumne par mazboor ho jaye.Vo kya hai na meenu ji aaj paihla chance hai na isliye confuse ho gai but no problem mai dusra gati hun.

Babu ji jara dhire chalo bijli khadi yahan bijli khadi,
nainon me chigariyan shola badan phoolon ki jhadi.
giri giri giri giri bijli giri..............!!

Gana sunte hi sab log masti me jhoomne lage..sabse jada kamar sunny ki chal rahi thi.vo dance bada kamal karta hai.yun dance to Richa bhi kuch bura nahi karti lekin sunny-sunny hai.

WaSiM(Goa)

Tags:

31 Comment(s) |

Share | Permalink [?] |

Rating:

[ Votes: 7 ]

Apr 27, '09

PHILOSOPHER RICHA

                           Jab se fropper join kiya pata nahi kyun raton ki nind aise gayab ho gayi hai jaise 'Gadhe' ke sir se singh.kayi baar besharmon ki tarah bistar par aankhe band kare pada raihta.lekin nind to Bewafa Premika jaisi ho gayi hai bulane par bhi nahi aati.Isliye jhak maar kar PC on kar dete.
   Zone open karte hi paihla scrap Richa(lichi200)ka aata.                                  "Bacchu aaja BAHAS kar le".
          Bahas ka naam sunte hi mere kaleje me aag lag jati lekin kya kare Gandhi giri koot-koot kar bhari hai mere andar bas isliye chup rai jate.Bahas karna aaj kal ke Netaon ka kaam hai,ham jaisi aam Janta ka nahi.Neta bahas kare to kursi milti hai aur ham kare to burayi.
                        Jab Richa roz-roz 'Bacchu Aaja bahas karle' ka chalange deni lagi to ek din mera bhi khoon garam ho gaya.mai bola Richa ye kyaa roz-roz 'Bacchu ajaj bahas kar le' ki ratt laga rakhi hai.mujhe bahas karna nahi aati..aur ek baat aur mai ab baccha nahi raha...22sal ka jawan chhora hun.mujhe bhi jamane ki samjh hai.isliye ye bacchu kaihna to bhul hi jao.
                          chalo Bacchu tum kuch bole to sahi warna gungon ki tarah nikal jate ho.tumhe yahi samjhane ke liye to bahas karna zaruri hai.mana tumhe zamane ki thodi bahut samjh hai lekin is fropper ki bilkul bhi nahi.Yahan jo jitna bolta hai uske utne jyada Dost.Agar fropper me raihna chahte ho bolna sikho.Jiske jaise sawal usko vase jabab.bolo kuch bhi bilo..Agar 'chand' par nahi bol sakte to 'Suraj' par bolo.Agar 'Gay' par nahi bol sakte to 'Gadhe' par bolo, agar flower par nahi bol sakte to 'cabiz' par bolo.lekin bolo.
Richa ji Gandhi ji ne kaha hai ke"Bahas se bachne ka sabse accha tarika hai ki bahas ki na jaye".Yun bhi ye kaam aaj ke neta log badi acchi tarha kar lete hai.ghar me biwi se bahas bahar padosi se.'Sansad' se sadak tak bahas hi to chal rahi hai.Dahi ko chalne se ghee niklta hai jo kam me aata hai.lekin bekar munh chalne se sirf jhaag hi niklega jo kisi kaam ka nahi hota.
                  bacchu tum yahi par to maat kha jate ho.bahas ki burayion par mat jao.uski acchayion ko dekho.Ab dekho kuch din paihle tak 'Varun gandhi' ko koi nahi janta tha..lekin uske ek bhashan ne use kitna popular kar diya hai.har news paper par uske hi charche hai.Tum mujhe hi le lo mere ek post ne mujhe kitna popular kar diya hai.halanki maine 'Bhoot' ko chhor kar sab dosto ki leg pulling hi ki thi fir bhi sabne us ko kitna pasand kiya.isliye bacchu tum bhi agar meri tarha shan se raihna chahte ho to bolo kuch bhi bolo accha ya bura.
                   wah ri richa tera bhi koi jabab nahi.Dosto ab faisla aap ke hath hai ke mai sahi hun ya Miss richa..kya mujh jaise sidhe sacche logon ka koi kaam nahi is fropper par.

                                                                                                                                                                                         Wasim(Goa)

Tags:

24 Comment(s) |

Share | Permalink [?] |

Rating:

[ Votes: 4 ]

Apr 19, '09

RICHA AND MY BOSS

                               Aaj office me bada khushgawar Din tha.Baat ye nahi ke aaj subah-subah barish ne mausam ko haseen bana diya tha.Wajah to ye thi ke aaj hamare Boss holiday par the.Isi liye aaj mai jan-bujh kar ghar se Lunch box nahi laya tha.Kam se kam is bahane office ke samne wale 3Star Hotel ke A/C room me ek ghante aaram karne ka chance to milega.
                Jaisi hi Ghadi ki suyi ne ek bajaya mai ne fatafat apna PC off kiya...Samne padi files ko idhar udhar Set kiya aur nikal pada aaj ki alone Party par.mai jaise hi Hotel ke Gate par pahucha gate keeper ne mujhe dekhte hi Salam thoka.(salam to vo sbhi ko thokta tha lekin meri us se purin paihchan thi)..Ram-Ram Saheb aaj bade dino baad darshan diye kuch jyada hi busy lagte hai...??
             Are nahi re Pyare Mohan baat busy ki nahi baat hamare boss ki hai vo aaj kal khud to apni biwi se jhagra kar ke aata hai hai aur bhugatna mujhe padta hai.Mujhe to lagta hai jaise vo Richa sharma ke ishak me pagal ho gaya hai.Jabse usne ye offise join kiya hai tab se mera jeena haram ho gaya hai.Khud to Richa ke sath lunch time me pata nahi kya discous karta raihta hai aur mujhe bolta hai ke aaj lunch time me kahi bahar mat jaana aaj kaam kuch jyada hai.
          Shahab ji agar mai galat nahi to kya ye Richa to nahi jis se paihli baar aap Bus me mile the..!!Are han yaar badkismati se ye wahi ladki hai jise paihli nazar me mai apna dil de baitha tha.
mai apna sab kuch haar baitha tha uske khubsurat chehre aur uski funny baton par.magar mujhe kya pata tha ye kuch din mere hi office me meri hi khatiya khadi karne wali hai.Agar pata hota to mai usi din use Bus ki khidki se bahar na fek deta.Kam se kam aaj ye din to na dekhne padte.
       Mai hotel ke undar apni purani corner wali Table par baith kar order dene ke liye menu hath me uthaya hi tha ke kisi ke kadmon ki halki-halki awaz sunayi di..Nazren utha kar dekha to samne Richa aa rahi thi.Light blue shout me bala ki khubsurat dikh rahi thi.
             Hi Wasim How r u.....Hi m always fine...morning me to bataya hi tha.itni jaldi bhul gayi aap...??kyun mai dobara nahi puch sakti kya aur waise bhi aaj kal insan ka mood pal-pal badalta raihta hai isliye beech-beech me puchte raihna chahiye.achha chhoro ye sab ye batao kya order kiya aapne.Maine,maine to koi order nahi kiya mai to yahan sirf Paani pine ke liye aaya tha.Aaj office ka Fridge kharab ho gaya hai na isliye.Han tabhi mai sochun aaj ek bhi baar mere cabane me cold drink kyun nahi.(maine dil me socha aaj boss nahi tha isliye).
          Accha Richa ji ab mai chalta hun aaj office me bahut kaam hai.Aji chhoriye kaam ko....kaam to roz hi karte hai.Aaj mere sath baithiye is bahane thori gapshap hi ho jayegi.boliye aaj aap lunch me kya lenge..veg or Non-veg...?nahi plz Richa ji aaj mera Fast hai....!!
how funny...Ramzan ko abhi kafi mahine baki hai aur aapne abhi se Roza rakhna start kar diya.
Nahi vo baat darasal ye ke aaj kal mai HANUMAN ji ka fan ho gaya hun isliye har mangalwar ko unko khush karne ke liye brat rakhta hun.oh nice...lekin kam se kam aap company to de hi sakte hai.Mai aap ke liye do glass pani mangwa deti hun.
                vo mere samne baithi lajiz khane ka lutf utha rahi thi aur mai apne pet ki aag thande paani se bujha raha tha.usne khana khana khaya,hath saaf kiye aur bye kaih kar chali gayi aur mai us se ye bhi na puch saka ye bill kya tumhara Boss Bharega.
             Uf re meri kismat aaj life me paihli baar ek Glass pani ka itna lamba Bill bharna pada.

Tags:

5 Comment(s) |

Share | Permalink [?] |

Rating:

[ Votes: 4 ]

Apr 04, '09

Shayana's Birthday Party

Hello Dear Friends,
                      It's Shayana's(the_enigma_inside) Birthday celebration party.She has complited her 1year on Fropper.
             Ye City se door shant ilake me bana ek guest house tha jo mahal numa Aalishan bana hua tha.Guest house ka gate khubsurat roshniyon se jagmaga raha tha.Gate ke baad door tak faila hua lon.uske baad bada sa hall.Jisme maine party ka intzam kiya tha aur apne sare doston ko invite kiya tha.
          Hall me samne ek stage saja hua tha jis par halki awaz me A.R.Rehaman ka music baj raha tha.Ek side me khane pine ki table lagi huyi thi.Dusri side me Sunny(Sunny_back_in_Style) apne doston,Zoha(illah25),Madhu(mistii_0062), Neha(n_kolly),Rupindar(rup_indar), ke sath kade apne Jawani ke kisse suna rahe the. unse thodi door par Akhtar(akhtar7868).... Parveen(lovely1981cap), Umiz(umiz), Prachi(prachi_black), aur bhi bahut saredoston ke beech me khade apne jokes suna-suna kar wahwahi loot rahe the..wahi ek kone ki chair par Praveen(pagal_bhoot) apne mummy ji(valley_of_roses) ke sath baitha jane kya discus kar raha tha.Shayad agle election me mummy ji ko khada karne ki taiyyariya chal rahi thi.
             chalo jo bhi ho bada khushgawar pal tha vo.Sab dost bahut khush nazar aa rahe the.Shayad paihli baar ek hi jagah itne sare doston ka milna ho raha tha.
          Mai aur Richa(lichi2000) aane walon ke Welcome ke liye Gate par hi khade the.Yaar wasim sab log to aa gaye lekin Shayana ka koi pata nahi.time to dekho 10 bajne wale hai.Richa mujhe pooch hi rahi thi ke tabhi gate ke samne ek Honda city car ruki.Car se paihle utarne wala nikhar(only_nikhar) tha aur uske piche piche Shayana... aaj ki khash.jiska sab log badi besabri se intzar kar rahe the.
           Shayana dhire dhire chalte huye mere pass aayi.Congratulation miss Shayana......thank u Wasim....thanks a lot.mai to kabhi soch bhi nahi sakti thi tum mujhe party doge...tumne aisa kyun socha kya mai apni dost ko ek party bhi nahi de sakta....??are mahi yaar mai hairan to isliye hun ke jo insan Richa ko thik se lunch nahi kara sakta vo itni badi party bhi de sakta hai.maine dekha Richa ka chera gusse se laal ho raha tha.Please shayana aaj nahi...is topic par fir kabhi baat karenge..vaise bhi party me aane ke liye badi mushkil se manaya hai ishe....vo bhi ye bol kar ke uski birthday party is se bhi shandar hogi.ab agar fir se naraz ho gayi to party ka shatya nash ho jayega.
             ham log baat kar rahe the itne me piche se akhtar ki aawaz aayi....yaar wasim tussi cake-shake mangwao mere pet me kab se choohe cricket match kel rahe hai.kahi aisa na ho poori team 0 run par all out ho jaye aur ham match haar jaye.uski baat sun kar hall me kehkaha gunj utha.Maine Zuvi ji(zuveriya100) ko awaz lagayi.Are Zuvi ji kahah hai aap agar cake ready ho gaya ho to le aaiye sab log aap ka intzar kar rahe hai.
                Andar se zuvi ji ek khubsurat sa cake lekar aa rahi thi.cake ko katne ke liye maine shayana ko chaku pakraya.usne candle bujhayi aur cake ko katne lagi. usne cake ka ek tukra apni nazuk ungkiyon se uthaya.mai munh khol hi raha tha ke usse paihle vo nikhar ke munh me chala gaya.accha hua jo us wakt mujhe koi dekh nahi raha tha warna mai......!!
             cake ke ke baad khane ka daur shuru hua aur fir dhire dhire sab log apni gadiyan start kar ke jane lage.akhri jane walon me Nikhar aur shayana the.ab yahan sirf do log bache the mai aur Richa.
              Richa mai tumse kuch kaihna chahta hun.han kaho mai sun rahi hun......!!ye haseen raat,ye tanhayi, ye mausam,,khule aashman me timtimate shitare aur uske niche sirf mai aur tum tanha akele....................sirf yahi kaihna tha kya....??nahi aur bhi bahut kuch kaihna hai...lekin tum is taraf dekho meri ankho me....han kaho kya kaihna hai....!!
achha paihle wada karo tum meri kisi baat ka bura nahi manogi.accha baba wada kiya mai bura nahi manungi....nahi yaar tum bura maan jaogi...nahi manungi kaha na....sach...??han bilkul sach...!!
to mai kaih dun...??Kaho na mai kab se tumhari us baat ko sunne ke liye tarash rahi hun.fir mai kaih raha hun.kaho na plzzzzzzzz
             yaar mazak mazak me kharcha bahut ho gaya.
ye sunte hi usne mujhe billiyon ki tarha nochna shuru kar diya.

                                                                                                          Wasim(Goa)

Tags:

32 Comment(s) |

Share | Permalink [?] |

Rating:

[ Votes: 5 ]

Dec 21, '08

A child

BHAWAN agar TUM bachhe hote aur ham hote BHAGWAN
*
IS duniya me dikhlate ham tumko apni shaan
*
Baihta NADIYON me COCOCOLA, Kheton me ugte RASGLLE
*
PATANGE udti Pedon par aur Dalon par dor k Gulle
*
ICECREAM ke hote Pahad aur SHAKKAR ke sab REGISTAN
*
TOFEE,BISCUT ke sab Jangal hote aur MITHAI ke MAKAN
*
Chahe kuchh bhi karte ham lekin yesi kabhi na karte BHUL
*
Is duniyan me kahi na hote PATHHSHALA aur SCHOOL.

WASIM(GOA)

Tags: bagwan, school, rasgulle, registan, mithai, makan

17 Comment(s) |

Share | Permalink [?] |

Rating:

[ Votes: 5 ]

About Me

james786CAP's ezBlog