Fropper.com Blogs – Free Blogging

An ezBlog of CREATIVEFRONT.

creativefront's ezBlog

Posted on: May 10, '08

Lekh "Matratva-Divas" par.

                          MAA

11th may MOTHER’s DAY (Matratva-Divas) hai. Kya keval 1 din ya is divas ke aaspaas ke dinon mein hee MAA ko yaad kar usakee tapasya , tyag aur validan se urin ho sakate hein. M...A...A… kisi bhee vyakti ke jeevan mein uchcharit hone wale shabdon mein yah sabase pyara shabd hai. Isake        uchcharan mein hee hoth poore khul jate hein mano vyakt kar rahe hon ki lo dil ke darvaje khul gaye ab  man kee ganthein bhee khol do, bah jaane do bhavanaon ko, Ishvar kee aatmaa kaa swaroop maa jo samane khadi hai.

Insaan hee naheen, kisee bhee jeev ke janm, parvarish, pyaar, vishwaas   aur samooche astitva kaa naam hai MAA. Yah naam har pal, har   ghadee, har   dil kee dhadkan   mein dhadakataa rahataa hai. Jab ise kisee bhee pal bhulaya naheen ja sakta to ek din yaad karane kee baat hee bemaanee hai.

Maa ke naam mein hee jaadoo hai. Betee ya beta kitana bhee bada ho jaye, usakee khud kee santaan badee ho jayein, lekin use aaram keval maa kee god mein hee milata hai. Yadi swarg   ka   kaheen   astitva hai tatha usake aanand ke bare mein jo bhee kuchha vivaran uplabdh hai, wah satya   hai   to   mein   kah sakata   hoon   ki   maa kee  god   swarg   ke samaan hai.

Maa har pal apanee santaan se hee naheen bulki us raah se bhee judee rahatee hai jis par chalkar vah apna jeevan sanvaratee hai. Usake matratva ka amrit-kalash santaan par hee naheen, santaan kee santaan par bhee anvarat chhalakta rahataa hai. Iseeliye kahaa gaya hai ki mool se byaaj adhik pyaari. Aaj jab sansaar apne mein sikud gaya hai aur vyakti doosare se kat   jaane ka   bahaana dhoondhata rahataa hai, aise mein maa kaa saayaa har pal santaan ke oopar rahana kya kisee karishme se kam hai?

Maa   jaisa   koee   bhee naheen ho sakata ! Bhagawaan bhee naheen kyonki wah amurta hai aur
maa saakaar bhee hai, niraakaar bhee.

- C.M.Upadhyay "Shoonya Akaankshee"

Tags:

26 Comment(s) |

Share | Permalink [?] |

Digg!

Post Rating:

[ Votes: 3 ]

Comments [ 26 Comments ] [ Post your comment | Subscribe (?) ]

Latav2063 said:
Very well written. Mothers are God's gift for children..so precious.

May 28, '08

days2come said:
it reminds us our mother's greatness....!

May 15, '08

BrainyBakra said:
Mom is great. period.

May 13, '08

ashok629 said:
Good and tks for sharing this very useful write up.

May 12, '08

harsh7901 said:
bahut aaccha likha hai...

May 12, '08

khushidey said:
Lovelyyyy!!!!!!!!
God Bless You!

May 12, '08

tenjade_destiny said:
very beautiful article..

sahi kaha aapne MAA shabd hi sabse pahle kisi ki zubaan pe aata hai aur hamesha ke liye jeevan aur hothon par jaise ki thehar sa jaaata hai..it's an absolute truth and an existence which couldn't be defined in words..

aapki yeh baat bhi sahi hai ki hum kitne hi bade ho jayen ya zindagi me aage nikkal jayen, kabhi vaqt aisa aata, jab hum sirf aur sirf apni maa to hi miss karte hain. i myself have seen my dad turning into a small kid kind when he meets his mom..it seems to be amusing at times..but that is where the beauty lies of the relationship..

loved reading your blog..BAHUT ACCHA LIKHTE HAI AAP.

May 11, '08

Veer01 said:
My Dear, C.M. Upadhyay Ji,Kaise Ho,Thanks for Share for "MAA" Lekh with me such Aapne kamal kar diya Aap ke ish lekh ne mujhe bhut hi prabhit kiya hai.Har vyakti ka jeevan "MAA" se shuru hota hai aur maa par ke saath hi khatam hota hai.Aap Engineer ke saath but hi sunder likhate hai. Aap ne Dil ko Choo Lene wala lekh likha hai.Ishi tarah aur likhte rahana mujhe aapka "MAA" ke bare main likhna buht hi accha laga.Aapne puri tarah Mamtamai ho kar ish lekh ko likha ishke liye bhut bhut dhnyabad. Aap ke Ish Lekh ke Saath Meri Taraf se "MAA" ki Kuch Line Hain...."MAA BAAP SE BADHAKAR JAG MAIN KOI DOOGA NAHIN KHAZA | JISNE TUMHE JANAM DIYA DIL USKA NAHIN DUKHANA.(1) PHALE TO TUMHE TERI MAA NE NO MAHA GARBH MAIN RAKKHA. MAA NE APNA DOODH PILAYA TO JAB -JAB BANDE ROYA,TERA BARA KARAZ HAIN MAA PAR TERA KARAM HAI KARAZ CHUKNA..2 DIN RAAT TUJHE TERI MAA NE BAHANON MAIN TUJHE JHULAYA SOI GEELE MAIN KHUD MAA,SOOKHE MAIN TUJHE SULAYA.(3)MAA BAAP KI SARAN SE BADHAKER KOI SWARAG NAIHN HAI DOOZA.

May 11, '08

saurabh55a said:
'Maa' ke liye 'sall' bhar me koi 'ek din' FIX karke 'Aupcharikta' puri nahi ki jasakti , mother's Day sirf 'videshi sooch' hai.
'Bharat' me 'maa swroop' ko hamesha 'puja' jata raha hai. uske 'doodh' se 'urin' hone ka koi 'putra' sooch hhi nahi sakta
Lakin phir bhi, AAiye , AAj ke din 'maa' ke liye kuchch 'vishesh' karne ka 'sankalp' ham le.

May 11, '08

sazzyme said:
awesome indeed!

May 11, '08

<< Previous | Next >>

Want to comment on this post?

Register now, its FREE, and share your views.
Already a member? Login now.