BARSE JAB BEMAUSAM BARISH

BARSE JAB BEMAUSAM BARISH




Bemausam aayi barsat ki fuhaar

faila gayi ek meethi si byaar

par kar gayi oos kisaan ke pet par waar

woh khada dekhta gaya..

luta diya ghar baar.



Lahlahti mehnat ko dekh muskaya tha

bhar garmi mein bhi pasina bahaya tha

aaj rondte dekh har patte ko

nihare kabhi suraj kabhi dhara ko

kyun toot gayi ek khilkhilaati asha

ek pal mein sikha gayi

oose bahate ashruon ki bhasha.



Wahin voh hurdang karte bacche

faadh rahe the naye naye parche

naav bana bahani thi oos aur

unki hansi mein boonde

machal kar kar rahi thi shor



Nahla kar pedon mein

chamkayi thi jisne nayi asha

woh kyun kabhi aansu kabhi hasi de

banata rahe hamara tamasha..

AMI..

Tags: its hindi-any problem then ask

1 Comment(s)  |  Share   |  Permalink [?]  |  Digg!

Post Rating: [ Votes: 2 ]    Saved