Posted on: Aug 16, '08
Mera Bharat Mahan
Aazzadi aur Hum
--------------------------------------------------------------------------------
Aaj hum 61va "Sawatantrata Divas" mana rahe hain lekin kya hum ye kah sakte hain ki hum sachmuch puri tarah swatantra hain jab hamra desh videshi takato ke aage haath phaila raha hai. Yah ek gambhir vishay hai ki hum kin kaarno se picharte ja rahe hain.
Ham puri tarah tabhi swatantra kahla sakte hain jab hamare desh me koi raat ko bhukha nahi soaga, koi berojgar nahi hoga, sabhi ko nayay milega aur ye tab hoga jab imaandari se hamare sanvidhaan me likhe gaye vyaktavyon ka paalan hoga.
Ab hum ye sochte hain ki ye imaandari kaise aaigi, hum ye soch kar chalte hain ki phalana-2 vayakti beimaan hai or koi usska kuch nahi bigad sakta isliye hum bhi kyon imaandar bane. Imaandari or sachhai ki baatein kewal kitabon mein hi achi lagti hain.
Hamari yahi vichardhara hamen purn swatantrata se door karti hai. Yadi hum aam vayakti puri tarah imaandari nibhayenge to hi hum desh ko phir se gulam hone se bacha payenge anyatha kuch samay baad phir se hum par videshi hukumat ka raaj hoga.
Ve log jo aaj desh ko beimani se bech rahein unke nidar hone kaa ekmatra karan hamre andar ka darr jo hamein unke khilaf jane nahi deta or hum chupchap unki beimaani or saitaani ko sahte rahte hain. Aaj chup rahne ki nahi in bharast logo ke khilaf khade hone ki jaroorat hai. Jab main jagoonga tabhi dusra jagega or tbhi rastra jagega.
Humein Sirf Itna karna hai ki hume kewal swayam ko jagana hai, "RASTRA" swayam jag uthega.
Vande Matram !!!!
Ajay Sharma
Tags: please post your valuable comments
Recent Visitors
