Ek shabd,
Vichlit hai – gambhir hai,
Maathe ki shikan – kaagaz ki laqeerein hain,
Thehrna padega.

Syahi dhoomil pad gayi,
Kahaani kinaaron pe bikhar chuki,
Kuch shabdon ki pehchaan nahi hai,
Bhasha abaoli ajaani hai.

Maahi kehta hai – pareshaan kyu ho ?
Kitaab hi to hai…
Shabd to aur ban jaayenge…
Abhipraya na samjha wo mera -
Prishta to utne hi mile the mujhe.

Shabdon me hi to jivan ka ansh hai,
Tum me – mujh me jo vedna hai,
Uski syahi ka raqt hi to saaransh hai.

Kahaani jo vyakt hui,
Jild aur panno me simat gayi,
Usme aaj bhi wo shabd hai,
Us shabd ko na chod ke ja.

Tags: love, distance, understanding, meaning