WOH AJEEB SI LARKI ..KYAA KAHOON USEY..HAQEEQAT YA AFSANA

baat hai sunday night ki......apney ek friend ki party sey wapas aa raha thaa..mausam bohat shaandaar thaa aur mahol bhi..chaand poorey shabab per thaa..sitarey aankh macholi khel rahey they..kaliyan chatak rahin thin aur phool mehek rahey they..behki behki mast hawain jism ko gudguda rahi thi..charon taraf khamoshi thi sannatta thaa..main rafi saheb ka ek khubsurat naghma gungunatey huye chala aa raha thaa ..
   itni haseen itni jawan raat kyaa karain 
   chhaye hain kuch ajeeb sey jazbaat kyaa karain..
achanak meri nigah footpath per parri ..bachey booreh jawan mard aurat sab mast neend so rahey they..main ney socha in becharon ki life bhi kyaa life hai..footpath per hi paida hotey hain jawan hotey hain aur wahin per khatam bhin ho jaatey hain ....
      cheen-o-arab hamara hindustaan hamara
      rehney ko gher nahin hai sara jahan hamara
jin key paas kuch nahin woh mast neend so rahey hain aur jin key paas sab kuch hai woh neend key liye tarastey hain.. RABBA terey raaz tu hi jaaney...
aagey ek park thaa..dekha ek jawan jorra hathon main haath liye ek dusrey sey liptey huye behektey chehektey chala jaa raha hai duniya sey bekhabar..main ney socha shakespeare uncle ney sach hi kaha thaa PYAR DIWANA HOTA HAI MASTANA HOTA ....
   DIL KI TAMMANNA THI MASTI MAIN 
   HUM BHI KABHI AISEY HI MACHALTEY
   APNA BHI KOI SAATHI HOTA 
   HUM BHI BEHEKTEY CHALTEY CHALTEY ....
ACHANAK MAIN NEY FULL BRAKES LAGAYE..MERI BIKE KEY SAAMNEY KOI THAA..GHAUR SEY DEKHA TO EK LARKI THI .. WOH KHARAMAAN KHARAMAAN MEREY QAREEB AYEE MERI SHAKAL DEKHI AUR BOLI "SORI AAP JAYAIN"..MAIN NEY KAHA KYAA MAIN JAAN SAKTA HOON AAPKI IS HARKAT KA MATLAB ABHI AAP MERI BIKE KEY NICHEY HOTIN AUR MAIN JAIL MAIN..ROKNEY KEY AUR BHI TARIQEY HOTEY HAIN.. KHUDKASHI KERNI THI TO EK TABLET HI KAFI THI..EK MINUTE MAIN AAP CHATPAT HO JATI..IDHER SEY UDHER.. MUJH MASOOM PER YEH SITAM KYON .. MERI BAATAIN SUNKER USNEY ZORDAAR QEHQHA LAGAYA AUR BOLI "AAP BOHAT DILCHASP BANDEY HAIN BARI PYARI BAATAIN KERTEY HAIN KASH PEHLEY MILEY HOTEY.." JEE KYAA MATLAB MAIN NEY POOCHA .."NAHIN KUCH NAHIN.. WAISEY HI ..WOH DER ASAL MAIN APNEY EK DOST KA WAIT KER RAHI THI WOH AATA HI HOGA" .. ITNI RAAR MAIN ..MAIN NEY KAHA..KYAA AAPNEY ULLUON SEY DOSTI KER RAKHI HAI..USNEY EK AUR ZABARDAST QEHQAHA LAGAYA ..MUJHEY USKI HANSI KUCH AJEEB SI LAGI USKA ANDAAZ AUR WOH KHUD BHI ..IS WAQT RAAT KEY EK BAJ RAHEY HAIN AGAR AAP CHAHAIN TO MAIN AAPKO AAPKEY GHER DROP KERDOON AAP KI SEHET KEY LIYE BEHTER HOGA .."OH THANX .. WOH MUSKURAI AUR BOLI ..MUJHEY KUCH NAHIN HOGA " ..KYON ! KYAA AAP NEY AAB-E-HAYAT PI RAKHI HAI MAIN NEY KAHA .. USNEY PHIR EK FALAK SHAGAF QEHQAHA LAGAYA AUR BOLI "AISA HI SAMAJH LAIN"..AAP KI MERZI ..MAIN NEY BIKE START KI AUR CHALNEY HI WALA THAA KEH WOH BOLI .."ACHA AAP MUJHEY NEW MARKET PER DROP KERDAIN " WAHAN KYAA KARENGI AAP KYAA DAAKAA DAALNEY KA IRADA HAI ..WOH HANSTI RAHI AUR PEECHEY BETH GAYEE ..USKEY WAZAN KA EHSAAS HI NAHIN HUAA MUJHEY.. MAIN NEY BIKE DORAI SPEED MAIN TO BOLI AUR TEJ CHALAIN ..AUR TEZ ..AUR TEZ.. EK JAGAH USNEY APNEY  HAATH MEREY SHOULDERS PER RAKKHEY TO MAIN CHONK GAYA ..USKEY HAATH BOHAT THANDEY THEY..NEW MARKET POHANCH KER MAIN NEY KAHA KAHAAN PHENKOON AAPKO ..KOI JAWAB NA PAAKER MAIN NEY PALAT KER DEKHA TO WAHAN KOI BHI NAHIN THAA..KHAUF KI EK LEHER MEREY JISM MAIN DAUR GAYEE ..MAIN NEY BIKE JO DORRAI TO GHER POHANCH KER DUM LIYA..SAB KO BATAYA SAB NEY BARREY SHAUQ-O-ZOQ SEY SUNA AUR PHIR BOLEY "CHALO KAHANI ACHI HAI MOVIE BAN SAKTI HAI AUR PHIR SAB NEY KHOOB QEHQAHEY LAGAYE" MAIN RAAT BHER SOCHTA RAHA AUR DIN NIKELTEY HI WAHAN PHIR PONHCHAA ..MALOOMAAT KI TO PATA LAGA KUCH DIN QABAL USI JAGAH EK ZABARDAST ACCIDENT HUAA THAA EK COUPLE KA ..DONO BIKE PER THEY ..BENGALI DADA JINHON NEY MUJHEY INFORMATION DI MUJH SEY POOCHNEY LAGEY KYAA WOH MERI DOST THI..MAIN NEY UNKO BATAYA KEH HAAN AUR WOH AAPSEY MILNEY AYEGEE..DADA KAPKAPANEY LAGEY AUR BOLEY "NA REY BABA AAMAKEY KHOMA KORO AAMI TOMAKEY BOLEY BHOOL KORECHI O AMAKEY CHHARBEY NAA 
(MUJHKO MAAF KERO MAIN NEY TUMKO BATAKER GHALTI KI WOH MUJEY CHHOREGI NAHIN).......

Tags: woh kaun thi

9 Comment(s)  |  Share   |  Permalink [?]  |  Digg!

Post Rating: [ Votes: 3 ]    Saved