AAP SEY HUM TUM HUYE PHIR TU KA UNWAAN HO GAYE

woh chali gayee aur main sochta raha..
              matlab nikal gaya hai to ab  pechantey nahin 
              woh jaa rahey hain jaisey humain jaantey nahin  
uncle shakespear ka sher yaad aaney laga...
              nikalna khuld sey adam ka suntey aaye they hum
              barrey be-aabroo ho ker terey kuchey sey hum nikley
phir main ney tai kyaa keh bey aabroo ho ker nahin balkey double aabroo ho ker terey koochey sey hum niklengey  aur main ney door bell baja di jo hoga dekha jayegaa. derwaza khula aur ek antique si aurat nikli ghaliban koi maid servant thi. "SALAM ALEKUM BUA JI.. KAISI HO" KI TAAN LAGAI AUR MAIN GHER KEY ANDER. Bua ji bhi khush shayad pehli baar mujh jaisey kisi handsum bandey ney bua ji ko salam mara hoga forun boli "WALEKUM SALAM BETA AAO ANDER AAO" saamney deewaan per ek antique jorra betha thaa, khander bata rahey they keh imarat bohat shaandaar rahi hogi.yeh ghaliban balkey yaqinan uncle auntie they ( tambu key mom n dad) dono mujhey dekh ker kharey ho gaye. ASSALAM-O-ALEQUM UNCLE KAISEY HAIN AAP AUR KHALA AAP KEY KYAA HAAL HAIN. dono hairaan kabhi mujhko aur kabhi ek doosrey ko dekhtey. WALEKUM ASSALAM beta muaaf kerna humney tumko pehchana nahin, aakhirkaar woh bol parey, tum kaun ho beta. Uncle main tambu ka dost hoon. "TAMBU" ! uncle ney zabardast qahqaha lagaya, imarat purani thi nayee hoti to chhat to hil hi jaati  aur boley yeh tambu kaun hai, ohho tum tabbu ki baat to nahin ker rahey, "TABBU BETA YAHAN AANA" uncle ki awaaz itni garajdaar thi keh do chaar mil key area key saarey parindey urr gaye hongey balkey do chaar to jaan bahaq bhi ho gaye hongey. "aayee abbu" jawab main ek mahin si awaaz ayee jaisey qehet key zamaney ki pedawaar ho khaaney ko kuch naa milta ho. main ney socha kahan yeh anti aircraft gun aur kahan yeh nazuk sa pistol. "aao beta yahan betho hamarey paas" uncle ney hukum sadir kiya. shukriya uncle magar main poori tarah sey geela hoon. "jee abbu jee aap ney yaad kiya" aur mujh per nigah partey hi boli "HAI ALLAH TUM". Haan betaji aap key dost tashreef laye hain aap ney kabhi inka ziker nahin kiya. "woh abbu jee main woh main main"... uncle yeh yunhi main main kerti rahegi bakri ki tarah main aapko batata hoon phir main ney saara qissa suna diya, auntie jo abtak khamosh theen garaj ker bolin "GHAZAB KHUDA KA IS LARKI KI MAT MAARI GAYEE HAI BAARISH MAIN BHEEGI HAI AUR WOH KAMBAKHAT MAAREY NAAS PEETEY NAA JAANEY KYAA KUCH KER GUZERTEY WOH TO ACHA HUAA MERA BACHHA WAHAN POHANCH GAYA AUR WOH LOG DAFAAN HO GAYE ISILIYE AAPKO KEHTI THI LARKI KO ITNI AZAADI NAA DAIN MAGAR AAP SUNEY TAB NAA ... ACHA ACHA AAP APNA TAPE BAND KARAIN BEGUM BERSON SEY SUN RAHA HOON HIFZ HO chuka HAI, uncle ney command apney haathon main liya aur boley, tabbu beta inhain guest room main le jaain aur mera koi dress in hain dain. uncle ek cup coffee mil jayegee main ney tambu sey request ki thi per usney to derwaza hi band ker diya mujhey ander aaney ko bhi nahin kaha. woh abbujee main ney suna nahin thaa acha chalo tum change kerlo main coffee laati hoon tumharey liye phir ahista sey boli "zeher mila ker". uncle kafi shaukeen they aur ba zoq bhi unka ek black khan dress pehen ker main baher aya to khala lapak ker bolin 'MASHALLAH ALLAH NAZAR-E-BAD SEY BACHAYE KITNA PYARA LAG RAHA HAI MERA BACHHA AAO BETA YAHAN BAITHO MEREY PAAS, main beth gaya, uncle coffee ayee nahin abtak. khud sey chal ker ayegee kyaa laa rahi hoon zara saber kero, tambu ki awaaz ayee. khala, meri ammi kehti hain coffee ya chai key saath kuch sandwitch wagerah lena chahiye werna, haan beta sahi kehti hain tumhari ammi, tabbu kuch snacks bhi lana. thori der main tambu ayee aur saath main coffee aur snacks bhi. lo thoonso mujhey ghoortey huye boli main ney sara kuch saaf ker diya aur bola coffee bohat shaandaar hai ek cup aur milegee khala foran bolin haan beta kyon nahin jao tabbu aur coffee ley aao woh daant peesti aur mujhey ghoorti huee chali gayee. uncle aap chess kheltey hain, main ney poocha. haan beta tum bhi kheltey ho kyaa. jee uncle aur aapki duaa sey main chess aur carrom champ hoon. bhaee waah to chalo ek bazi ho jaye waisey hum bhi kisi champ sey kum nahin. jab uncle ko lagataar teen game main maat ho gayee to unhon ney mujhey champ maan liya. ek game carrom bhi ho jaye, kyaa khayal hai uncle. oh naa betaji main zara thak gaya hoon waisey tum carrom champ bhi ho yeh main maan leta hoon qahqaha lagatey huye boley. gupshup aur hansi mazaq main 9 baj gaye to main ney bola uncle ab ejazat dain main chaloon. arrey nahin beta, khala ney foran kaha, khana khaa ker jaana. ammi is ney abhi to itna sara kuch khaya hai ab khana kaisey khayegaa, aap bhi kamal kerti hain. khala waisey to koi khaas bhook hai nahin magar aap ka hukum hai to thora bohat chakh loonga, tambu ko  main ney khala sey kaha. khana bohat hi shaandaar thaa, kabab aur fried chicken, dono hi merey pasandeeda itemz, main ney khaaney ke saath bherpoor insaaf kiya  mujhey khata dekh tambu ki aankhain hairat sey phelti jaa rahi thi, to main ney kaha sambhlo kahin aankhain plate main naa gir jaain, phir khala sey mukhatib hoker kaha " yeh saarey khaaney aap ney banaye hain" woh boli haan beta to main ney kaha khala kuch tambu ko bhi seekha dain takeyh yeh jis key gher jaye us budnaseeb ko bhi kabhi kabhaar kuch achhey luqmey naseeb ho jaain. khala to sirf muskra deen magar uncle ney hasb-e-mamool zabardast qahqaha lagaya aur main ney ek baat ka faisla ker liya keh aainda kabhi agar wahan aaya to ear phone zaroor leker aoonga. khaaney sey farigh hoker main ney unsey ejazat li, shukriya ada kiya aur duaon ki derkhwast ki. tambu saath thi boli tujhey to main dekh loongi. zara qareeb aa ker dekhna aur acha lagoonga 
main ney kaha waisey aaj hi aaj main aap sey hum tum huye phir tu ka unwan ho gaye, bohat khoob   
 

Tags:

11 Comment(s)  |  Share   |  Permalink [?]  |  Digg!

Post Rating: [ Votes: 1 ]    Saved