MEREY ABBU DUNIYA MAIN SAB AEY ACHEY ABBU

contd....woh barsaat ki shaam.....4th part....

zindagi bher nahin bhuleygee woh barsaat ki raat
ek anjaan haseena sey mulaqaat ki raaaaaaaaaaat        

us raat key baad kafi dinon tak hamari mulaqaat nahin huee.. main apni parhai aur karobaar main masroof ho gaya aur woh yadon main  ya phir khwabon main ....

Ek subh main dafter rawana honey hi wala thaa keh phone ki ghanti baji " heelloo heelloo" doosri taraf woh hi thi.. socha zara tafreeh ho jaye main ney jhilla ker kaha .. arrey hil to raha hoon aur kitna hiloon.. apni hansee zabt kertey huye boli main ney kab kaha hilney ko tujhey to kamar matkaney ka shauq hai .. main ney kaha woh kamar hi kyaa jo matkey nahin woh phool hi kyaa jo chatkey nahin woh aadmi hi kyaa jo bhatkey nahin aur woh phal hi kyaa jo latkey nahin.. kher tu bol kyaa bolti tu iz nacheez ko kaisey yaad farmaya kyaa teri raaton ki neend urr gayee bhook aur pyaas ghayeb ho gayee chain aur sukoon mit gaya .. arrey sun sun aisa kuch bhi nahin huaa.. woh chillai .. tujhey yaad karegi meri juti.. bata ki hai kyaa.. main ney beech main hi us ki baat kati.. aur bhi tap gayee..boli tu insaan ki zubaan main baat nahin ker sakta.. oye yeh insaan kaun hai koi naya shikaar hai kyaa aur main uski zubaan main kyon baat karoon meri apni zubaan nahin hai kyaa.. main ney phir luqma diya.. ouff hai o rabba tu.. tu .. dekh dekh gaali mat dena mujhey bilkul bhi basrdaasht nahin .. u r impossible .. kyaa matlab.. main na mumkin hoon to tu baat kis sey ker rahi hai.. tu jahennum main jaa main jaa rahi hoon.. phir "dhummm" awaaz ayee aur line munqata.. main ney ek qehqaha lagaya.. bohat der sey rok rakkha thaa.. yaqeen thaa dobara ring karegee....

wahi huaa.. ghanti baji.. hii tambuuuuu main ney taan lagai .. phir phir wohi.. akhi tu mujhey itna jalata kyon hai .. itney main behen ney entry li "hey bro dad iz waitin make it fast 2day u have had it".. oye angrez ki chamchi angrez chaley gaye thanku, sori aur tujhko chhor gaye..chal tu nikal main aa raha hoon u vanish.. oye tambu jaldi bol merey hitler dad wait ker rahey hain got to go yaar..agar woh ghussey main chilla diye to yeh bunglow change kerna parrega.. pata hai pichli baar jab chillaye they indonesia main sunami aur japan main zilzila aa gaya thaa musharraf sb ney urgent meeting call ker li, bushy ney farmaan jaari kyaa maloom kero yeh dhamaka kahan kab kyon aur kaisey huaa, yahan per red alert jaari ker diya gaya, sarkon per kaanch ka ambaar lag gaya, log sab gheron main dubak gaye, parindey saarey "chal urr jaa rey panchi ab yeh des huaa begaanaa" gaatey huye urr gaye.. arrey bus ker bus ker woh zabardast qehqaha lagatey huye boli.. aur hansney ki taab nahin.. isi doraan ek mulazim ney entry li "aali janab bhaijaan zilley subhani ney hukum sadir farmaya hai keh aap ba nafs-e-nafees foran sey peshter unkey huzoor main pesh hon werna.." werna kyaa bey main gerja abey mughlon ki aakhri nishani foran dafa hoja main aa raha hoon chal.. bhaijaan kyaa bhabi sey muzakiraat ker rahey ho woh bola.. abey tu her ek ko bhabi bana leta hai kal abbu ki ek customer ko bhabi bol diya.. saaley tujhey burma bhej doonga wahan bahadur shah aaraam farma rahey hain unkey paas hi lita doonga.. oye tambu tu hansti rahegee ya kuch boleygee .. arrey yaar tujhey abbu ammi yaad ker rahey hain tu kab ayega bol woh maza letey huye boli.. itni si baat key liye tu ney mera itna qeemti waqt barbaad kiya.. tu kitna bakwaas kerti hai tambu.. kitna bolti hai merey kaan dukh gaye.. ab tu phir pathri sey utra main chali.. main sunday ko aoonga kehker main ney phone band kiya aur bhaagta bhaagta neechey ponhcha .. sara gher jama thaa aur abbu tehel rahey they ghussey main.. dhamakey ka intezaar thaa.. main relaxed thaa.. abbu woh meri ek friend key papa shadid bimar hain to woh mujhsey doctor aur hospitals key baarey main daryaft ker rahi thi uska koi bhai to hai nahin.. bohat pareshaan thi bechari to main usko dilasa dey raha thaa to abbu zara der ho gayee aaney main mawafi ka khwastagar hoon abbu ka chhera jo ghussey ki wajah sey surkh ho raha thaa dheeray dheeray normal honey laga .. teer nishaney per betha main ney socha.. kahan rehtey hain woh ..yahin qareeb main hi rehtey hain.. abbu.. theek hai aap jayain unki help karain aur ek ghantey main dafter pohanch jayain agar kisi cheez ki zaroorat ho to mujhey call karain.. yeh kehker abbu dafter rawana ho gaye.. saarey log mujhey aisey dekh rahey they jaisey key merey seengh nikal aaye hon.. behen boli " bhaijaan abbu sey aapney jhoot bola" oye woh jhoot jis sey kisi ko koi nuqsaan naa ho koi takleef naa ho bola jaa sakta hai.. ghalib uncle ney kaha hai yaqeen naa ho to pooch lo kal hi unhon ney naya mobile kharida hai magar haan numbers nahin hain merey paas .....

Tags: tambu, phone, behen, mulazim, main aur abbu

13 Comment(s)  |  Share   |  Permalink [?]  |  Digg!

Post Rating: [ Votes: 0 ]    Saved