Posted on: Dec 05, '08
HUM RAWAAN DAWAAN HO GAYE EK NAYEE MANZIL KI TARAF KAHAN KIDHER KYAA KHABAR
contd. a special sunday wid a special friend .....
ai dost tu ney yeh kyaa sitam kiya
meri bekhudi ko beqarar ker diya
husun ki ebadat ker raha thaa main
zalim tu ney mujhey gunahgaar ker diya 
khala ney dast-e-shaffaqat jo sir per rakha to neend ki devi ney foran apney aagosh main bher liya aur aisey aisey jahaon ki ser karai keh main mast ho gaya. Abhi bohat si urranain baqi thin magar mujhey aisa laga jaisey koi mujhey awaaz dey raha ho, jhanjhor raha ho. Neend ki devi rooth ker jaaney lagi main ney mananey ki bohat koshish ki ....
abhi naa jao chhorr ker abhi to dil bhara nahin
magar woh naa maani aur chali gayee. Aankh khuli to dekha tambu mujh per jhuki huee thi aur mujhey jhanjhor rahi thi uthaney ke liye. Main ney socha zara lutf liya jaye "oye yeh tu kyaa ker rahi hai, kab sey ker rahi hai, kyon ker rahi hai, kyaa kyaa kiya, meri khala kahan hain ..." meri awaaz suntey hi woh uchhal parri peechey sofey sey takrai aur gir parri chhera laal ho gaya aur zulf chherey ka bosa leney lagin.. bohat haseen lag rahi thi.. beysaakhta main gunguna utha....
chherey per giri zulfain kehdo to hata doon main
gustakhi muaffffffffffffff
guldaan sey ek phool nikala aur....
yeh phool terey jurey main kehdo to laga doon main
gustakhi muafffffffffffffff 
arreyy tu insaan hai ya hewaan ..insaan hoon yaar zara ghaur sey dekh.. magar herkatain teri to ... agar merey chott lag jaati khoon beh jata to.. to kyaa yeh doctors or hospitals kis liye hain unhain bhi to rizq milna chahiye yaar.. acha! to ley main tera sir phorr deti hoon tu hospital main admit hoja wahan becharey sab faqa ker rahey hain.. oh mujhey koi aitraaz nahin bus nurse zara khubsurat honi chahiye.. mera zauq zara ooncha hai.. tera zauq to main abhi dekhti hoon aur yeh tu kyaa her waqt khala khala kerta rehta hai khala ka chamcha main kyaa sirf tujhey thusaney key liye hoon .. arrey naa yaar tu to meri dost hai.. khaak dost hoon jaa tu khala key paas jaa.. main nahin bolti ....
dekho rootha naa kero
baat nazron ki suno
usney palat ker dekha aur ek shokh ada sey boli
hum naa bolengey kabhi
tum sataya naa kero
oye ! oye ! main uskey peechay bhaga.. sun zara .. woh ruki, palti, aur boli kyaa huaa.. ek hi ada ney ghayal ker diya... khala key paas nahin jana.. main ney ghaur sey dekha uski aankhon main ghazab ki masti thi chherey per shokhi aur hoton per halka halka tabassum ...
teri ek ada ney zalim deewana bana diya
dono jahan sey mujhko begana bana diya
boli oho! chal tujhey deewangi mubarak jab tu mera deewana ban hi gaya to aa merey saath.. hum dono uskey room main ponhchey.. usney wardrob sey ek packet nikala aur mujhey deker boli dekh kaisa hai.. paket main ek black shirt aur jeans they.. main ney kaha ab tu merdaney libaas pehney gi.. muskurai aur boli..yeh terey liye hain.. kaisey hain.. ghazab key hain yaar.. ab meri baat sun.. mujhey long drive per jana hai terey saath aaj aur abhi tu yeh dress pehneygaa aur abbu sey permission bhi tu lega 15 minute main hum nikleyngey ab tu ready ho jaa .. oye tu meri dost hai ya dushman mujhey merwaigee kyaa .. woh sab main nahin jaanti bus mujhey jana hai 12 min. rehgaye.. arrey sun to phir kisi din chalengey.. nahin main ney aaj hi jaana hai aur abhi 10 min. rehgaye.. main dress leker baher bhaga .. tayyar huaa ..
khala khalu hall main bethey they main ney kaha "khalu woh derasal abbu ney kuch cheezain laney ko kaha thaa jo main bhool gaya yahan to aaj market band hain magar zara door per ek nayee market khuli hai main soch raha hoon wahan sey ley loon werna abbu naraaz ho jayengey .. theek hai betey jaisa aap chahain .. khalu tambu ney bhi kuch shopping kerni thi to agar aap kahain to usey bhi saath ley jaoon do ghantey main aa jayengey.. theek hai betaji .. main ney rahat ki saans li aur solhwin minute main hum car main bethey they aur car farratey bherti rawan dawaan ho gayee .. ek nai manzil ki taraf..
Tags: a long drive she n me
Recent posts
