Mere Naam Se Pehle...


abh ke us ki ankhon mien
besabab udaasi thi
abh ke us ke chehray per
dukh tha...behawasi thi

abh ke yun mila mujh se
yun ghazal suni...jese
mein bhi na_shanasa hoon
wo bhi ajnabi jesse

zard khaal o khad uss ke
sogawar daman tha
abh ke uss ke lahjay mein
kitna khudra pan tha

wo ke umer bhar jis ne
shahr bhar ke loogon mien
mujh ko hum sukhan jana
khud se mehrban samjha
mujh ko "Dilruba" likha

abh ke sada kaghaz per
surkh roshnai se
us ne talkh lahjay mein
mere naam se pehle!
sirf "Bewafa" likha
_________________

Ahat hi hoi thi na koi barg hila tha
Main khood hi sar-e-manzil-e-shab cheekh para tha,

Lamhon ki faslain bhi meray gird khari thi
Main phir bhi tujhe shahar main awara laga tha,

Tu ne jo pukara hai to bol utha hon varna
Main fikar ki dahleez pe chup chap khara tha,

Phaili thi bhare shahar mian tanhai ki batian
Shaid koi deevar k peechay bhi khara tha,

Ab is k siwa yaad nehi jashne mulaqat
Ik matmi jugnoo meri palkon pe saja tha,

Ya barish-e-sang ab k musalsal na hoi thi
Ya phir main teray shahar ki rah bhool gaya tha,

Ik jalwa-e-mehboob se roshan tha mera zehan
Vajdan ye kehta hai vohi mera khuda tha,

Veeran na ho is darja koi mausam-e-gul bhi
Kehte hain kisi shakh pe ik phool khila tha,

Ik tu k guraizan hi raha mujh se bahar tor
Ik main k teray naqsh-e-qadam choom raha tha,

Daikha na kisi  ne meri simt plat kar
Mohsin mian bikharte hoye sheeshon ki sada tha....

Kabhi jo cheirr gaee yaad-e-raftgaaN Mohsin
Bikhar gaee hain nigaahein kahaaN kahaaN Mohsin

Hawa ne raakh urraai to dil ko yaad aaya
K jal bujheeN mere khwabon ki bastiyaaN Mohsin

Kuch aaise ghar bhi miley jin mein ghoogatton k iwaz
Hui hain dafn dopatton mein larrkiyaaN Mohsin

Khandar hai ehd-e-guzishta na chhu na chheirr isey
Khulein to band na hon is ki khirrkiyaaN Mohsin

Bujha hai kaun sitaara k apni aankh k saath
Huey hain saare manaazir dhuaaN dhuaaN Mohsin

Nahi k us ne ganwaaye hain maah o saal apne
Tamaam umr katti yoon bhi raaegaaN Mohsin

Mila to aur bhi taqseem kar gaya mujh ko
Sameittna theeN jisey meri kirchiyaaN Mohsin

Kahin se us ne bhi torra hai khud se rabt-e-wafa
Kahin se bhool gaya main bhi daastaaN Mohsin

Badal gayi hai ye zindagi ab, sabhi nazare badal gaye hain
kahin pe maujain badal gayi hain, kahin kinare badal gaye hain,

Badal gaya hai ab us ka lehja, ab us ki ankhain badal gayi hain
vo chand chehra hai ab bhi waisa, meray sitare badal gaye hain,

mila hon tum se to yon laga hi k jaise dono  hi ajnabi hon
kabhi jo mujh ko azeez-e-jan thay, vo tor sare badal gaye hain,

kahin pe badla hai kehne wala, kahin pe sam-e badal gaya hai
kahin pe ankhain badal gayi hain, kahin nazare badal gaye hain,

is liye main bhi sar jhuka kar tumhari nagri se chal para hon
tha naz jin per kabhi mujhe bhi vo sub sahare badal gyae hain.....